Latest update March 31st, 2025 5:30 PM
Latest News
- Bandits cut through roof to rob WBD Supermarket
- Court Orders “Critic” to pay the Mohameds $52M
- ExxonM and CNOOC sticking to 11B barrels figure in Stabroek Block, but Hess says estimate higher
- Deadly Israeli strikes mar Gaza Eid celebrations
- Govt. to roll out automated speed ticketing system next week
Dem boys seh…Babbie, Bee Kay, dem scamps and de Code of Conduct
There is an old saying—things fuh laugh does mek people cry. Ask CPL.
CPL get cheap. Last night dem boys sit down tekking a drink waiting fuh see de Warriors tek on de Tallawahs.
Dem wait a long time and no cricket—not on de TV, not on de Internet, not anywhere.
Dem try all kind of thing—dem change TV channel, no cricket. Dem try de internet—dem check Crictime.com, no cricket; Cricinfo, again nothing. Dem boys get disappointed and decide to call de Scamp best friend, Babbie, because he got de satellite.
He tell Uncle Adam to call Donald de Dumb and he put dem boys on to Willo.com. Is here dem realize Donald know more than wha dem boys expect. Because at Willo.com dem see, “This site is under construction”.
Is then dem boys realize that Guyanese kantractah deh all over de place. Dem suspect that Bee Kay get that contract from Babbie. And that is not de only thing he get. He did get plenty things and yet he not happy because he seh dem bringing a code of conduct.
Dem boys want know if he think he is a Govt Ministah because de new code of conduct is only fuh Ministahs, MPs and all dem senior scampish officials.
He fuhget Soulja Bai did tek way de Ministah wuk wha Joe ShanLin secretly give him in a Chinee restaurant, downtown.
Dem boys still believe he is a scamp and that de code will land him in trouble. He like to entertain anybody who deh in office. Don’t come out though because de entertainment done. Ask dem in de PPP.
But if you think Bee Kay is de only scamp check de one who build de Kato school. Priya tell him to build a school but he build a death trap fuh de children. She was de one who visit de school and tell him he do an excellent wuk.
But when dem boy check, dem see de left over materials from she house and Jagdeo mansion, dem see sand mix wid mud and not cement, dem see barb wire fuh electric wire, dem see a wheelchair ramp that even tractor can’t climb.
Dem see a room wid a cupboard and a sink and dem call it a science lab.
Thing fuh cry people a laugh. Ask dem children in Kato.
Talk half and wait fuh de code.
Similar Articles
THE BLUNT OF THE DAY
Sports
Features/Columnists
Choosing between bad and worse
Peeping Tom… Kaieteur News- I’ve always had an aversion to elections, which I suppose is natural for someone who... more
Weekend Cartoon
