Dem boys seh...De madness tekking over

Dem boys seh…De madness tekking over

Jul 23, 2016 Dem Boys Seh, News

It looks like if de whole world going mad. Since dem boys wake up dem hear somewhere that some crazy people doing some bad things to people. One morning dem hear suicide bombers blow up some airport in Turkey.
Then dem hear couple in de United States do some stupidness and kill a lot of people. And when that happen everybody does remember how everybody does issue travel advisory when it comes to Guyana.
People just snatch couple thing or get vex and stab somebody or rob two shop and dem got big notice to people that dem must watch how dem visiting Guyana. Dem boys want to know why Guyana don’t issue notice to its own people.
Instead, de more de trouble in a country, de more Guyanese running toward it. Is de same thing dem does do at home. People hear a gunshot and dem gone running toward de shot.
But talk fuh rain and talk fuh sun, Guyana so nice that people coming back home. All of dem complaining how dem can’t tek de cold no more. Dem was de people who use to wake up soon morning, before bird wife wake, and bundle up even wid sleep still in dem eyes to go to work.
In Guyana is rain and sun. If de morning too dark people ain’t getting up; if de rain barely drizzle people not going to work but dem was de same people who go and now coming back wid all de complaining about de cold.
Yet, fuh all wha happening around de world one can’t help but think that de mad people getting more plentiful. In this country three men go to de back dam because a man set up some people to get dem to go to de back dam. When de people go to de back dam somebody hide and shoot dem. One was a li’l boy who ain’t trouble nobody.
When dem get ketch and try in court, all of dem gun claim how dem got a right to life; that nobody should hang dem. And to think that dem got people who believe that. Soulja Bai done mek up he mind. He seh that once he is president nobody ain’t gun get hang. He playing wid ee wuk.
Talk half and watch how people can’t tek do back.