Dem boys seh... Cricket at de stadium really cost Ricky

Dem boys seh… Cricket at de stadium really cost Ricky

Jul 14, 2016 Dem Boys Seh, Features / Columnists, News

There is a old saying, ‘Be careful when you follow the Masses…Sometimes de ‘M’ is silent.’ Now JoeShan and de Bar Rat saying two different things bout dem govt contracts.
Dem boys now confused and fuh sure, dem ain’t gun follow dem asses. JoeShan seh that de contracts signed by de Bar Rat had confidentiality clauses and suh he can not disclose dem to de public.
He seh suh because Soulja Bai seh de people of this country must see all dem contracts, even to dem wha he sign.
Now de Rat seh JoeShan lie and that he can release all dem contract. Dem boys hear when he challenge JoeShan to release dem. He go further. De confidentiality clause does deh in de pre-contract stage. And when de contract sign, any lagoobagoo can do wha dem want wid it.
Dem boys seh somebody telling lie and de people of Guyana need to know de truth.
Another truth is that every time dem got cricket at de stadium a lot of thiefing does on. People does break into people vehicle. Sometimes dem thief does carry way de whole vehicles.
Sunday night Ricky just done watch cricket and walking out de stadium towards his car wid ee car keys swinging pun ee finger.
He didn’t see three man walking behind him. When he reach up to he car and go to push in de key to open de door he hear a voice seh, “Get in and drive this car till we tell you stop.”
Ricky tell dem “None of that stupidness.” He throw de key at dem, tell dem tek de car; I going home. And he gone running up de road
When dem man tek it de car had de right number plate PLL1699. According to one of he friends, de car got ‘Sweetness’ write across de front windscreen. De back windscreen got a drawing of a scorpion.
Dem boys wonder if is de sweetness attract dem hijackers to de car, or de scorpion dem want to sting somebody
Talk half and help Ricky get back he sweetness or he scorpion.