Dem boys seh...Walter let out Jagdeo wicked secret

Dem boys seh…Walter let out Jagdeo wicked secret

Jul 12, 2016 Dem Boys Seh, News

The fact that there is a Highway to Hell and only a Stairway to Heaven tells a whole story. The story says a lot about de traffic numbers in line to both places.
Dem boys seh car tekking you to Hell but only you foot can tek you to de opposite side. Walter de Wicked Willis was dem boys good, good friend. He get de ‘wicked’ added to ee name when he do a whole street in Nandy Park and lef out de section in front of he Saro Bai (Brother-in-law) all because dem two had a li’l teeth and tongue.
Dem boys expose de wickedness and Willis run to de Waterfalls paper to explain that he just give de man a li’l tickle just like how Jagdeo did tickle Freddie wid de weed in de trench.
He laugh nonstop wid dem boys. Then he go back de next day and fix de road. He did tell dem boys a secret and beg dem boys not to say anything while he alive.
Now that he gone and dem boys ain’t sure if he using a Stairway, like one of de many wha he build in de stadium or if he using one of de Highway he build because according to he own words all Guyana dem Highway lead to Hell.
Dem boys believe he walking pun de Stairway and this leading to a place wheh Jagdeo can’t even think about, much less enter.
Dem boys gun now talk de secret. Walter build all de roads in Nandy Park and Republic Park neighbourhood. He never do de street in which de Waterfalls boss man living.
When de boss man confront him bout de street ee tell de boss man, “You never hear this from me and if ever you seh it, I gun deny it. I never see you; I never talk to you.”
Then ee lean over and tell de boss man, “Jagdeo seh don’t do ee f***ing street.” And buss out a big laugh. To this day de street only getting wuss.
Dem boys hear in de morning that Walter dead. De Ministry put out a statement to that effect. De Hammer Man who he use to wuk under and others talk, how he was a good man. Only BK didn’t like him because he couldn’t get ee way wid Walter.
Then dem boys hear Walter dead again in de night. Dem boys seh ee mek he wife holla two time.
But ee still climbing de Stairway to Heaven, Dem boys believe that. Farewell Walter Willis and don’t keep no space fuh dem boys. Dem ain’t leaving fuh just now.
Talk half and pray fuh Walter, our friend Willis.