Latest update January 1st, 2025 1:00 AM
Latest News
Dem boys seh…Careful how you jumping fuh joy
A man seh, “When you jump for joy, beware that somebody ain’t move the ground from beneath you foot.”
Is change does mek we jump fuh joy. A lot of people tell dem boys dem like de change wha dem a see in Guyana.
Dem see de place clean up and smelling like a rose. When de Rat dem was in control after five minutes rain de whole place use to flood and smell like rotten egg.
Independence arch put up and once again remind people that dem entering de city. D’Urban Park kick in and beautify de landscape although Larry London and Joe Harmon owe some small contractors.
Big Market clean and bright; people can walk free but before Soulja Bai de place look like Jagdeo and Donald Dumb. It even use to smell like dem. But dem boys seh this is only de tip of de nice things to come. At least dem boys want believe that.
Dem boys hear bout investigation and dem like wha dem hear. Dem like when dem hear policeman get charge fuh tekking bribe wid gold fuh throw way ganja. Another one lose he wuk just because he seh, “Pass a li’l something and you board de ferry right away.”
Dem like when dem hear big ones falsifying minutes and documents that would lead dem straight to jail.
Dem boys also like wha dem hear when de minister seh that none Guyanese who live overseas must get old age pension.
Dem boys seh if a man lef Guyana when he is one year to go and live in Uncle Sam and he come back fuh spend de rest of he life when he is 66 if he deserve old age pension?
A man lef Guyana when he is 66 and go overseas, and only come to sign fuh he pension book and lef it wid grandson to collect, should he get old age pension?
This is a ticklish thing. If every Guyanese who go and live overseas fuh years still entitle to collect dem old age pension.
And dem got more Guyanese living overseas than in Guyana.
Talk half and wonder if Soulja Bai and Donald Dumb does collect old age pension.
Similar Articles
1 thoughts on “Dem boys seh…Careful how you jumping fuh joy”
THE BLUNT OF THE DAY
Sports
Features/Columnists
The eternal optimism of the human spirit
Peeping Tom… Kaieteur News- Every New Year’s Eve, like clockwork, we engage in a ritual that is predictable as... more
Breaking the Chains of Poverty: A need for political will
By Sir Ronald Sanders Kaieteur News- The year 2024 has underscored a grim reality: poverty continues to be an unyielding... more
Weekend Cartoon
A pensioner leaving Guyana at age 65 and older should be allowed to continue to collect the pension especially if they do not get any other pension in Guyana. They are now in their sunset years (end of their life) why deny them that!. Not all of them are treated kindly by their children overseas also not all of them qualify for pension in other countries.