Dem boys seh...Nuff politicians getting lonely

Dem boys seh…Nuff politicians getting lonely

Jul 08, 2016 Dem Boys Seh, News

Jagdeo was a man who like flying. He spend billions of de poor people tax dollars pampazetting himself. Now he out of office he seh he not travelling any more.
De truth is he done went all over de world. There is nowhere else for him to see. He now telling people he realize that there is no place like home. But dem boys have a nice one to tell him.
Whether you drink expensive wine or cheap wine—de hangover is de same. Whether you live in a shack or in mansion in Pradoville2—loneliness is de same.
He also find out that he true inner happiness does not come from de material things of de world. But wha hit him more than anything else is de Waterfalls boss man tell him, “Whether you fly first class or economy class, if de plane goes down, you behind going down wid it.”
Nuff people must tek note, including LuCrass. Dem boys hear he suddenly start flying first class. Wha dem boys ain’t certain is who paying.
Dem boys also checking on some other chairman. Brassington was one chairman who do de gods to de people of de country.
When de govt change he run to Florida to hide. Dem boys want see how long de fat crook will hide.
Dem boys also hear in de grapevine that some politicians li’l finger getting sticky. Dem also hear some other chairman like to eat just like a man who love to eat big basha and jumbo prawns. Dem too like to pay fuh wha dem eat wid tax dollars. Dem better watch wha dem put in dem mouth.
Dem boys walk in a restaurant and read de menu. Dem see ‘toasted tourist’–$2,000; boiled pastor–$3,000; Fried porkknocker–$4,000, baked/ grilled Pee Pee Pee, Pee Hen See, Hay Heff See and Justice for All, wid greens plus boil and fry—$30,000.
Dem boys ask de waiter why such a high price fuh de politicians? She seh, “yuh ever try to clean one? They are so full of s**t. It tek a whole morning to clean one.”
Talk half and Joe ShanLin better tek note wid dem far flights.