Jagdeo really bareface

Jun 02, 2016 Dem Boys Seh, Features / Columnists, News

Jagdeo get bareface. This is de highest bareface can get. It can’t get higher than this. Dem boys seh imagine this man, Jagdeo, sit at de helm of this nation fuh almost 13 years.
Wholesale thiefing start under his stewardship; dem boys expose everything that coming out in de audit and much more. Dem talk about de fat crook Brassington and NICIL. When he couldn’t tek it no more and when he realize dem boys closing in pun him he file 19 lawsuit in one day against de Waterfalls paper and run away to Miami.
He was one of de main players in Jagdeo skullduggery. Name everything that Jagdeo plan and Brassington name on it. Dem plan begin wid scampishness, carry out in secrecy and end in full skullduggery.
Dem boys talk bout de cable wha Dax and others mess up. In one case dem throw de cable pun de ground and throw sand over it.
Dem boys talk bout de US$42M transmission line; dem boys talk bout Surendra de pump man, who Jagdeo love.
Dem boys talk bout de one laptop, dem talk bout de radio and TV licence, de cable licence and de Berbice Bridge.
Dem talk bout de Sanata complex wha Jagdeo give to Babbie fuh next to nutten; he talk bout de New GPC wha dem boys ain’t certain if he pay and all de drug deals wha run into trillions of dollars and in nuff cases drugs never supply.
This is only de tip of de iceberg. Dem boys plan to publish a list on line so that de world can see that everything Jagdeo touch he get something and when he move he hand de project tun kaka. All Guyana suffer. And this is de same crook who saying jail people who de audit expose. He name deh at de top of every audit. De Pradoville One, dem tek it fuh next to nutten and de Pradoville Two, dem tek it fuh nutten.
If dem audit de Palms Jagdeo or Uncle Eddie’s home Jagdeo name gun call. When dem do a count inside de prison, not only he name gun call but he will be present.
And is not this jail alone dem boys talking about.
Talk half and hope somebody tickle Soulja Bai.