Latest update November 18th, 2024 1:00 AM

Guyana's largest selling daily and New York's most popular weekly

Latest News

Jagdeo trainee robbing pensioners

Sep 11, 2015 Dem Boys Seh, Features / Columnists, News

Conning old people and li’l children is one of de worse thing you can do pun de face of de earth. Dem is two set of people that you mustn’t promise nutten and never tek way anything from dem.
Dem never forget; dem hold you in dem mind, heart body and soul till you buy sweetie and chocolate fuh dem.
In de same breath everybody know scampishness and cockishness can never done. One set of govt scamps gone out and de whole country was happy. Dem think that this set wha come in nah got hair in dem palm and that dem is Sunday school people like Soulja Bai.
Danny Bai, de man who hold de purse string, tun out to be wuss than de Shaat scamp who use to sit down in he chair.
He con dem pensioners. And is Jagdeo, who resemble de devil, train him. He use to wuk wid Jagdeo in de Finance Ministry until he get kick.
When he present de budget de other day he announce that dem would get an increase from $13,000 to $17,000. Some of dem old people laugh till dem teeth fall out.
De old people dem use to get a water bill and a light bill both total li’l more than $5,000.
Now that de pension increase to $17,000 Danny Bai, de con artist, tell dem old people that dem got to pay dem full light bill and water bill like everybody else.
De old people dem seh this would add up to more than de $17,000 wha dem getting.
De Waterfalls paper wasn’t so busy fuh a lang time. Nuff of dem old people come in to complain how this new govt wuss than de old one. Dem give li’l bit wid one hand and mek we smile, and grab back more than wha dem give wid de other hand.
One old lady seh that is then she realize is another set of thieves she dealing wid. She know bout dem pastor who does rob de congregation blind. Dem does rob de young and de old whether you hot or you cold. Danny Bai is de same thing.
Soulja Bai and de first lady are pensioners. Dem does go to church and pray but that didn’t stop Danny Bai from robbing dem.  He con nuff of he own colleagues—Scott, Roopnaraine, Moses, Noel, Greenidge and some others.
Dem boys want him to know that con men does end up in jail and dem hope he don’t end up wheh Jagdeo and Brassington gun end up fuh doing what dem did to dem poor people in Guyana.
Talk half and remember wha goes round does come around.

Similar Articles

The Glenn Lall Show | November, 15th, 2024

Follow on Tik Tok @Glennlall

THE BLUNT OF THE DAY

Sports

Brewley’s ‘glut’ inspires Hard Knocks to ExxonMobil Futsal Championship Finals 

Brewley’s ‘glut’ inspires Hard Knocks to ExxonMobil Futsal...

Nov 18, 2024

-YMCA awaits in $1M Showdown on November 23  Kaieteur Sports –Futsal fans were treated to a thrilling spectacle at the Retrieve Hard Court in Linden on Saturday evening as Hard Knocks and YMCA...
Read More
Final T20 between England and West Indies washed out

Final T20 between England and West Indies washed...

Nov 18, 2024

Zion Gray propels Eagles to GBF Elite 16 Semi-Finals 

Zion Gray propels Eagles to GBF Elite 16...

Nov 18, 2024

Looknauth stars as Anacondas lift inaugural GCB betCageSports National T20 Title

Looknauth stars as Anacondas lift inaugural GCB...

Nov 18, 2024

Gold is Money wins inaugural Chung Global ‘Champion of Champions’ Tournament

Gold is Money wins inaugural Chung Global...

Nov 18, 2024

Afraz Budhoo – A promising cricketing star on the horizon 

Afraz Budhoo – A promising cricketing star...

Nov 18, 2024

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]