Jagdeo never think bout crime victims, till now

Aug 28, 2015 Dem Boys Seh, Features / Columnists, News

Sometimes some people does seh some things that does lef everybody speechless. Jagdeo Pee Pee Pee now proposing a special fund fuh victims of violent crimes. This was de same Pee Pee Pee that was ruling de country from 2002 to 2008, when Guyana had its worst crime situation. That was de time when man, woman, child, dog, cat and everything get slaughter.
De Pee Pee Pee didn’t think about a special fund fuh victims. De only thing Jagdeo do was to give de relatives of dem policemen who get kill in de line of duty $1 million, less that wha Jagdeo give heself as pension in one month.
Dem boys seh that he didn’t see it fit to give de victims of de Lusignan Massacre any money. It tek de Waterfalls paper to raise funds fuh dem family. De same thing was de case wid de Bartica slaughter. Donald was de head of de Pee Pee Pee and Jagdeo was de head of de government. None of dem ever think about any fund.
Instead dem tek money and run to hide in hotel. Nuff of dem move out of dem house and mek de people pay fuh dem stay in some fancy hotel. Now dem know that de fund would provide justice fuh de victims.
Dem boys seh that this is not only bareface; decency mek dem wouldn’t seh wha deh pun de tip of dem tongue. Can you believe these people?
And likewise, can you believe Mike Khan at de hospital? De hospital didn’t do knee surgery fuh months because de saw ain’t got battery. When dem boys ask Mike Khan wha happen he tell dem is only couple weeks now that he hear bout de situation when somebody tell him about de battery.
Is how long it gun tek him to get a battery? People can fly in battery from de furthest part of de world in couple hours. Is something people does do overnight. If it gun tek months to put in a battery in a saw, imagine how long it gun tek to put in battery in de heart machine. At that rate de cemetery gun overflow. That is wha dem boys seh.
And can you believe that nobody can find de shaat scamp or de multi-million-dollar vehicle that he buy just before he party lose de elections? But he party talking bout some vehicle Moses buying. Is one just like de one de shaat scamp hide somewhere.
But de Pee Pee Pee mekking a noise because in dem book Moses should drive a Morris Oxford while dem drive de multi-million-dollar vehicles. Irfaat right now trying to defend a $20 million vehicle but dem ain’t saying nutten bout that.
Talk half and think how Jagdeo bareface.

Latest News

Jagdeo never think bout crime victims, till now

Related

Similar Articles

The Glenn Lall Show|| March, 17th, 2025

Follow on Tik Tok @Glennlall

THE BLUNT OF THE DAY

Sports

𝐓𝐒𝐔, Region 2 book semi-final spots as teams look towards...

World Athletics recognize AAG Elections

Ramdehol named Berbice skipper ahead of GCB U17...

National player Nigel Bryan represents Guyana at...

Newton embarks on two-week training in Paraguay

Kennard Memorial Turf club expresses heartfelt...

Features/Columnists

The U.S. pressure on Venezuela may backfire on Guyana

The Caribbean: Destined to Grin and Bear the Consequences of Its Self-Created Vulnerabilities?

President Ali’s dawn patrol

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Jagdeo never think bout crime victims, till now

Share this:

Related

Similar Articles

The Glenn Lall Show|| March, 17th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]