Latest update March 25th, 2025 7:08 AM

Guyana's largest selling daily and New York's most popular weekly

Latest News

Dem boys seh…Other people going to de Maldives

Aug 03, 2015 Dem Boys Seh, Features / Columnists, News

When de news come out that de Shaat scamp was heading to Maldives dem boys get a shock. Dem know that nuff people running out of Guyana, some of dem to avoid answering questions about some of de things dem achieve pun dem salary.
For example, de other day dem boys been to a house in Pradoville2. Was a woman who was a Minister and according to de records, she pay was less than $600,000 a month but de house wha she build worth wha some millionaire in de states would pay fuh dem own.
Dem boys ain’t asking she how she get de money because people does give all kind of excuse. Dem boys want to know wheh de Shaat scamp get de money to fix dem people car wha he crash up wid. And dem want de Shaat scamp to know that when he lef to go to de Maldives fuh wuk, Uncle Adam and Uncle Glenn gun jump pun de plane and go till deh wid some placards. Dem gun picket till de people realize that dem hire a scamp who handle de money in Guyana and cause people to answer nuff questions.
And before he lef he gun attract a protest at de airport because he wouldn’t try to leave like Sean Hinds and go through backtrack. Fuh sure he wouldn’t keep a farewell party because dem boys know that he can’t call New Thriving and ask dem to send over food like wha use to happen.
And dem boys brush de Minister Jordan when dem remember Balgobin. Old people does seh that if you show dem you company dem gun tell you who you are. But is not everybody company is really dem company. Suh when dem boys talk de Balgobin story dem put poor Jordan in de wrong tar barrel.
De man get nuff call from people who actually believe that he was collecting. In fact, dem boys believe that dem really hurt poor Jordan. Over de years when he wuk in de Ministry of Finance nobody ever mix him wid corruption and that is why dem boys sorry dem mix he up wid dem stupidness.
Talk half and hope that Jordan get a forwarding address fuh de Shaat scamp.

Similar Articles

The Glenn Lall Show|| March, 17th, 2025

Follow on Tik Tok @Glennlall

THE BLUNT OF THE DAY

Sports

Groups, schedule announced for One Guyana 3×3 Quest

Groups, schedule announced for One Guyana 3×3 Quest

Mar 25, 2025

Kaieteur Sports- With just 11 days to go before Guyana welcomes 16 nations for the largest 3×3 basketball event ever hosted in the English-speaking Caribbean, excitement is building. The Guyana...
Read More
2025 Republic Bank Caribbean Premier League Fixtures confirmed

2025 Republic Bank Caribbean Premier League...

Mar 25, 2025

Virtual Meeting of Caribbean Boxing Promoters held, Guyana among six countries with interest

Virtual Meeting of Caribbean Boxing Promoters...

Mar 25, 2025

GBA AirBadminton Tournament spikes off with historic showing at St. Cuthbert’s Mission 

GBA AirBadminton Tournament spikes off with...

Mar 25, 2025

Briton John sets sights on another sweep with second leg win

Briton John sets sights on another sweep with...

Mar 25, 2025

Waramuri stuns Vreed-en-Hoop 7-1, as Bush Lot topple Ann’s Grove

Waramuri stuns Vreed-en-Hoop 7-1, as Bush Lot...

Mar 24, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]