Dem boys seh... Jagdeo seh he never thief, You believe?

Dem boys seh… Jagdeo seh he never thief, You believe?

Jul 09, 2015 Dem Boys Seh, Features / Columnists, News

De devil is alive and well. He always creating trouble and pushing people fuh do evil things to one another. He got nuff family in Guyana and he first cousin is none other than Jagdeo.
De devil mek that man do so much wrang thing to de people of this country that if dem didn’t have a Creatah who more powerful than de devil, Jagdeo woulda never come out of office and he woulda do evil things to people, things that you can’t even dream about.
This is de same man who swear to de nation and tell de world he never thief. He also tell de people that he nah got none interest in political life.
In Trinidad during Obama visit, he tell a Bajan reporter that he don’t want nothing to do wid third term or nothing to do wid parliament when he come out of office.
De other day he seh he nah want he name pun none political party list. Fuh de election he name been pun de election list.
Yesterday, he name deh pon MP list and dem boys hear that he is de opposition leader.
Dem boys seh that if he could be such a bareface liar then how anybody can believe that he never thief.
Dem boys want he to know he don’t have immunity now and that he can’t go in parliament and lie or get caught corrupting anybody. Is straight to jail.
Donald Dumb know how Jagdeo stay and that is why he not going and sit down next to him in parliament.
De evil Jagdeo do filter down not only to de ordinary people but also to de religious leaders in de country. Tek de Berbice pandit. A family call him to jaray dem sick, sick daughter. Wha he do she dem boys shame fuh talk. It ended up wid de police carrying him to de station wid handcuffs and de gyal family walking behind dem wid he brief and he pants in dem hands.
Dem boys would be paying keen attention to dis story because dem boys hear that Jagdeo is he family.
Talk half and wait fuh hear when he gun tell de police that de gyal did agree to wha he do she.