Help prepare a new jail

May 17, 2015 Dem Boys Seh, Features / Columnists, News

Defeat is not something people can accept, easily. Some people kill demself and others kill de people who beat dem. In boxing dem had Mike Tyson who was losing, suh he bite off piece of Holyfield ears.
In cricket when de li’l boys lose dem does tek dem bat and ball and go home. Dem big boys does sit down and cry. Even dem Test players does cry.
Elections is a different ball game. People does lose and seh that dem nah lose. Dem can’t accept. Donald is one. Before de elections Donald tell de whole world that all parties must accept de result. But he didn’t seh that he gun accept and that’s a scamp.
That remind dem boys of de teacher who seh “Do as I say and not as I do.” Well scamp does end up in jail. But Guyana don’t have proppa jail fuh dem. De present jail overcrowded.
De Waterfalls boss man intend to change that situation. He tell dem boys that he intend to start a fund. He putting de first $5 million to build a new jail—one that is big and fancy. He want it to have air-condition like de big countries.
But this jail is not fuh de Bees. Dem boys gun tell de new Soulja Bai in town fuh move out all dem prisoner who deh at Lot 12 and put dem in this new prison.
This new set wha coming in, Jagdeo and his boys and some girls, will head straight to Camp Street jail wheh dem can enjoy de facilities wha demself build and call a jail.
This was de set who use to spit pun people and kick and stamp dem. Suddenly dem can’t do that no more. Dem find dem foot tie. Is de people of this country tie dem foot.
Dem boys know de Soulja Bai wha dem cuss and seh how he kill people and how he thief ballot box gun tie not only dem foot, but dem hand, wid handcuff.
De Waterfalls boss man seh that if de Soulja Bai don’t have vehicle to drive dem to jail, he gun lend dem transportation.
He seh that he gun cut out a li’l hole at de side of de vehicle so that when Jagdeo going to jail in it people can jook he through de hole.
De boss man seh that he nah too keen fuh de main man, Brassington, go to Lot 12 wid Jagdeo. Wid he size he gun tek up too much space that would hardly lef any fuh de rest of de Bees and de cabal.
Dem boys plan to recommend to Soulja Bai fuh throw he pun one of dem island in de Essequibo River and leh he build he own Brazziott.
Talk half and contribute to build de new jail.

Latest News

Help prepare a new jail

Related

Similar Articles

The Glenn Lall Show | January, 10th, 2025

Follow on Tik Tok @Glennlall

THE BLUNT OF THE DAY

Sports

Savory, Persaud show class ahead of Regional C/ships with fifties

Spectators experience and playing standards high...

Archery Guyana’s 2024 Senior Barebow Open...

Body of Chinese national who fell from new...

Athanaze posts 98 as Windies start positively in...

Youngsters seize opportunity, rubbing shoulders...

Features/Columnists

Jagdeo’s press conferences are about grievance rather than governance

Clarifying misconceptions about the Panama Canal

From ethnicity to Exxon, race to renegotiation

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Help prepare a new jail

Share this:

Related

Similar Articles

The Glenn Lall Show | January, 10th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]