Latest update February 9th, 2025 10:22 AM

Guyana's largest selling daily and New York's most popular weekly

Latest News

Dem boys seh…De teams line up fuh de big day

May 11, 2015 Dem Boys Seh, Features / Columnists, News

Today is de day when all dem tribes gun line up. If was cricket or football then dem woulda got spectators cheering. But this one only got people who scoring like dem scorers in cricket or football. Dem is de ones who gun keep de record.
Granger is de captain and Moses is de vice-captain and dem got dem tribes all over de place. Just like how Santa Claus does walk around and give people things at Christmas, is just like that dem walk around and talk to people. Dem didn’t got much to share out except couple jersey because dem didn’t have money.
Donald is de captain fuh de other side and Elisabeth is he vice-captain. Dem travel all over and meet dem tribe. Dem had money but dem share solar panel and house lot and things like that wha de government buy. Now dem waiting to see if people gun just tek dem things and run.
De main umpire, Jimmy de Carter, he come and he get sick. He had a meeting plan wid Donald and he hear Jagdeo, de devil coming to de meeting, he tell he security, “Lock up me valuables.”
When Jagdeo was leaving, Jimmy mek he clap fuh mek sure he ain’t got nutten in he hand.
Is after that meeting he get sick and dem had to rush he to de hospital. De doctor diagnose that he pick up a virus somewhere between de airport and de Pegasus.
While heading to de airport he tell he security he believe that dem garbage that develop since he been here de last time cause a virus fuh develop in him.
De man didn’t even trust de hospital that de devil, Bheri and Leslie spend so much money on.
Jimmy didn’t even trust dem nurse suh he go to a private hospital.
Imagine when de man fly out Donald and Elisabeth didn’t know. If things was normal Jimmy, de umpire, woulda call and tell de Head of State, “Buddy Boy, I got to run out. I get a virus.”  But that didn’t happen because Jimmy had a problem wid Donald main man, de man who look like de Devil.
Dem got nuff deputy referee and deputy umpires fuh see that de game play fair. All of dem done decide that dem gun stay till de game end and de winner declare. That is because de tribes dem don’t know to accept de decision. Dem does behave like when li’l boy out and get vex. He does tek he bat plus de ball and go home.
That is why Jimmy come wid plenty referee. Yesterday, dem had nuff prayer in dem church fuh let good reign. Granger and Moses pray. Jagdeo and Donald seh that dem don’t believe in de Creatah and that is why dem gun see how powerful that Man is.
De Man above seh that people must be humble and all who is not humble gun eat de bread that de devil need.
Talk half and wait fuh de game done.

Similar Articles

The Glenn Lall Show|| February, 7th, 2025

Follow on Tik Tok @Glennlall

THE BLUNT OF THE DAY

Sports

SBM Offshore Guyana & VFMA launch Girls in Football Development Program 2025

SBM Offshore Guyana & VFMA launch Girls in Football Development...

Feb 09, 2025

Kaieteur Sports- Vurlon Mills Football Academy Inc and SBM Offshore Guyana launch the second year of the Girls in Football Development Program. February 5, 2025, Georgetown: The Vurlon Mills Football...
Read More
 Imlach and Nandu fifties pilot Harpy Eagles to emphatic 8-wicket win over CCC 

 Imlach and Nandu fifties pilot Harpy Eagles to...

Feb 09, 2025

A look at Government’s boldest investment in sports

A look at Government’s boldest investment in...

Feb 09, 2025

Barker wins big, Khalil and Simpson inch closer to Men’s U45 title

Barker wins big, Khalil and Simpson inch closer...

Feb 09, 2025

Trophy Stall on board Republic Cup three-day softball extravaganza

Trophy Stall on board Republic Cup three-day...

Feb 09, 2025

13-year old benefits from Project “Cricket Gear for young and promising cricketers in Guyana”

13-year old benefits from Project “Cricket Gear...

Feb 09, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]