Dem boys seh...De life of de gay bachelor

Dem boys seh…De life of de gay bachelor

Feb 04, 2015 Dem Boys Seh, Features / Columnists, News

Who seh Rohee stupid better change dem mouth. De man smart suh till he lead dem reporters up a gum tree. After Bud Mangal resign from Gee Com, dem had to get a replacement. People start fuh talk how is Boodoo who been in Gee Com as Chief Elections Officer and who nearly tek couple votes and give de Pee Pee Pee a majority.
Dem boys seh that if Boodoo did get through people woulda never recognise Guyana, because if de party ain’t win a majority and it coulda do so much, imagine what woulda happen if it did win.
Anyhow, dem boys ask Rohee if Boodoo going back. He seh nah. Then dem ask he if Bibi going and he seh nah. Then he use he brains and as a road man he really got some brains. He tell de people that de party gun select de person later in de week. This time de party done select de person. Rohee believe that he was keeping a secret.
Well it ain’t matter no more except that de commissioner find a way to mek even more money. He represent Jagdeo, he represent Ashni, and he represent de whole country. Now he representing de Pee Pee Pee, de party that want to win de elections; de party that had a leader who always think that he was a prince but who some people seh was a queen.
One day, somebody force he to ask a princess to marry she and she seh “Yes.” But things didn’t work out suh he mek she run.
And then he live happily ever after. He go out when he want, lef de country when he want, go to strip bars and play wid big breast women. He drink coconut water like rain water, he had no woman to bitch in he ears. He never had to pay child support until recently and he use to walk around and blow out he guts when he want and especially when some of he men friends deh round.
No woman could boast how she had he under control, even when she had man wid he because he didn’t care. Some people seh that he had wid she too.
Dem boys seh that de man got tons of money in de bank, under de mattress, and some bury in he yard. De man still happy.
Talk half and always think about de gay bachelor.