Latest update November 17th, 2024 1:00 AM

Guyana's largest selling daily and New York's most popular weekly

Latest News

Donald, Granger, Ramjattan promising everything

Jan 30, 2015 Dem Boys Seh, Features / Columnists, News

This is de time when people does watch people and tell dem all kind of thing. Dem does mek promise like if dem head ain’t good. Some of dem does promise wha dem ain’t even got. Granger go pun de Essequibo Coast and promise economic revival.
De people pun de coast ain’t even sure wha that mean, if it mean that dem gun live like de people   in Georgetown or if dem gun live like Jagdeo, Babbie, Anil, Irfaat and Rob de Earth.
Moses promise dem Berbicians that he gun see that dem mek sugar like sand and get money like rain. De Berbicians want to know if he promising dem more money than dem does mek wid de smuggling from Suriname or if dem and all gun get fuh live like Jagdeo and all he kavakamites.
Then Donald promise de whole country that he gun give dem cheap electricity. Dem boys seh that is de greatest promise, but dem got people who thiefing current, suh current can’t get more cheap than that.
It mek dem boys remember when dem was young and dem wanted something desperately. If is a case that dem did want dem mother stop cutting dem tail dem use to promise she everything just fuh mek she stop. Some even promise to be good, but as soon as de cut tail done is back to wha dem accustom to.
Dem boys see big men cry when police hold dem and promise to even compensate de people who dem rob, but everybody know that is only word of mouth. Even when a community ketch a bandit and beat de daylights out of him de bandit does promise to go to church if dem lef he.
Nuff women run into men who promise nuff things just to get a bit of de Promised Land and when dem get it is a different story. That is why when all dem politicians go and mek promise, dem women does shake dem head and de men does smile because dem and de politicians cut from de same cloth—all of dem can mek promise that dem don’t intend to keep.
When Jagdeo tek he oath as president he promise fuh serve all de people of Guyana. Dem boys seh that people ain’t even got to ask he if he keep that promise.
Talk half and watch out fuh more of dem promises.

Similar Articles

The Glenn Lall Show | November, 15th, 2024

Follow on Tik Tok @Glennlall

THE BLUNT OF THE DAY

Sports

Hauls from Persaud and Farley highlight MVP Sports Girl’s U11 Football Tourney commencement

Hauls from Persaud and Farley highlight MVP Sports Girl’s U11...

Nov 17, 2024

Kaieteur Sports- The Petra Organisation’s MVP Sports Girl’s Under-11 Football Tournament kicked off in spectacular fashion yesterday at the Ministry of Education ground on Carifesta Avenue,...
Read More
Windies chase 219 for first win of T20 series against England

Windies chase 219 for first win of T20 series...

Nov 17, 2024

Motie joins Amazon Warriors Squad for GSL

Motie joins Amazon Warriors Squad for GSL

Nov 17, 2024

CWI announces West Indies Test Squad for Home Series against Bangladesh

CWI announces West Indies Test Squad for Home...

Nov 17, 2024

𝗗𝗖𝗕 U𝟭𝟱50-overs ‘Next Generation’ Inter-Association Tournament starts today

𝗗𝗖𝗕 U𝟭𝟱50-overs ‘Next...

Nov 17, 2024

Glasgow sets new scoring record as Golden Jaguars settle Barbados 4-1

Glasgow sets new scoring record as Golden Jaguars...

Nov 16, 2024

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]