Dem boys seh...Donald expose Jagdeo

Dem boys seh…Donald expose Jagdeo

Dec 31, 2014 Dem Boys Seh, Features / Columnists, News

Somewhere in de Holy Book it seh, “Out of the abundance of the heart de mouth speakest.”
That mean that wha deh in you heart does come out yuh mouth. Even if yuh try to hide it, even if yuh don’t want talk.
Dem boys seh that if yuh full a kaka, don’t ask wha gun come out.
De whole nation know bout Jagdeo, what he is and what he capable of. Everybody know how dutty and nasty he is. He mek Varshnie see hell and all it colours and sometimes she couldn’t see at all.
He had she walking and driving like Ray Charles and Stevie Wonder wid big dark shades. Donald know all this and he had a taste of it. He start fuh wear dark shades too, because he know wha was coming.
But he grow up different from Jagdeo. He was not a violent, dutty or nasty person. Is a bukta man from Rupununi mek people know Donald change.
He been mekking he speech busing people. He tell de crowd. “They don’t have a record to be proud of; they don’t have a history that they can be proud of. That is why they don’t like history and they don’t like to hear about de past.”
Right away, de bukta man agree. He seh, “Yea, Yea like Jagdeo.”
Donald get vex, he start fraff. Wha he had in he heart and been trying fuh hide from de public come out. He tell de bukta man, “You don’t know anything bout Jagdeo. If he was here he mighta slap you.”
Right away de bukta man seh, “You tek me fuh you and Varshnie? I don’t wear dark shades. Nobody can’t mek me wear dark shades.”
And that is why dem boys believe that he put he security fuh slap up de man and tek advantage.
De man waiting fuh de next time he and dem go back. He seh knack got knack back and knack back harder than knack. Ask George Bush. He get a taste.
De Bukta man seh he nah de man who pelt Bush wid de shoes and miss. He done got he shoes waiting fuh Donald and he does pelt straight.
Even wid de name Donald Duck, de bukta man want fuh see he duck.
Talk half and watch out fuh de shoe.