Dem boys seh...Guyana got one honest politician

Dem boys seh…Guyana got one honest politician

Dec 24, 2014 Dem Boys Seh, Features / Columnists, News

In a couple of hours is Christmas and Christmas mean thinking back to de days when you had to be good before you get something. Nowadays is de spirit of love, sharing, caring and having a nice time.
Is a time fuh party, eat and drink and do a lot of things. Dem boys been out at de Pegasus de other night and dem sit down just next to a young politician wha Donald appoint. He was sitting wid a nice young sweetheart.
Uncle Adam did eyeing she and Uncle Glenn was batting he ears to hear she name and wheh she come from. De two of dem was having dinner.
De conversation was interesting. De politician had a lot of sweet words in he mouth and de woman was smiling and touching he just enough to lead he on.
Dis woman was sexy and dem boys coulda see that de politician wanted more than he was getting at de moment.
De conversation was going on nice till she ask he fuh tell she something bout heself. De man couldn’t wait fuh show off he self wid such a question.
He smile and tell de woman, “I am 40, a politician of high standing; I does sleep out, I am from a special breed of people and most important, I am honest.”
De gyal smile then she tun and tell he, “I am 30, a high-priced prostitute, never met a honest politician, and I am a virgin.”
He smile and tell she that he believe she. He seh that he got some colleagues, including he boss, who would strip she and carry way everything she got, including she virginity.
Dem boys hear when she tell he that she believe and ask he if he stay like he colleagues because she don’t mind if he strip she once de price is right.
De last thing dem boys see was he and this thing walking down Brickdam to a hotel.
Talk half and keep yuh eye pun dem politicians and you gyal pickney.