Latest update January 15th, 2025 3:45 AM

Guyana's largest selling daily and New York's most popular weekly

Latest News

Dem boys seh…De law will ketch up wid dem

Dec 08, 2014 Dem Boys Seh, Features / Columnists, News

Wha go round does come round. That is wha old people seh. It also mean that do got do back and knack got knack back.
Now, dem got people who believe that dem can do wha dem like fuh as long as dem like and that retribution is something that only happen when dem dead.
Dem is people who never listen to old people when dem seh that people can do wha dem want but not fuh as long as dem want. De longest rope got an end. Dem boys seh da one.
People beginning to think that de law is only fuh some people because some does get charge and some don’t, although dem get accuse of doing de same thing. Who can explain why dem charge de Waterfalls boss man fuh threatening a man when dem ain’t hear de threat?
But de same people who hear Anil threaten and who read word fuh word wha he seh can’t even try fuh charge he. It ain’t that dem blind suh dem couldn’t read or that dem deaf suh dem couldn’t hear.
De message dem continue to send seem like de law is only fuh people who dem don’t like. Is two Lall. One is fuh real and de other is Nanda, which mean fake.
If things change and nuff people believe that some things gun change, then all of dem who jumping up and down and posing wid dem wealth gun find out that de full force of de law will reach dem. Jagdeo and Babbie is de first two that de law gun put hand pun. De fat crook, de Shaat scamp, de Bees and de others gun follow.
Some already applying fuh visa and who frighten fuh go to de States hoping that dem can go to Canada. Dem ain’t even thinking about going to Suriname which deh close and people don’t need visa.
Donald Duck done signal dat elections deh round de corner and already some people not sleeping. Some of dem going to meet people who dem ain’t talk to fuh years because dem was certain that power is dem own fuh life.
Now dem going to de same people fuh ask dem fuh vote fuh dem. Some of dem bringing out jumbie but de same Donald Duck seh that whoever seh suh telling a lie.
One thing is certain, de courts gun be busy and all who do wrang things got to remember that de longest rope got an end; that time longer than twine; that moon does run till day ketch am.
Talk half and watch out fuh all who trying fuh sell out dem property.

Similar Articles

The Glenn Lall Show | January, 13th, 2025

 

Follow on Tik Tok @Glennlall

THE BLUNT OF THE DAY

Sports

National basketball team down to 15 after intense trials

National basketball team down to 15 after intense trials

Jan 15, 2025

Kaieteur Sports-  After two gruelling days of trials at the Cliff Anderson Sports Hall, the Guyana National Basketball Team has been narrowed down to 15 players, signalling the first step towards a...
Read More
Terrence Ali National Open schedule to fist off this Friday

Terrence Ali National Open schedule to fist off...

Jan 15, 2025

Foreign Link players call for Darts Association to step up

Foreign Link players call for Darts Association...

Jan 15, 2025

Race for GFF Elite League qualification narrows down to final four

Race for GFF Elite League qualification narrows...

Jan 15, 2025

BCB organize practice session for female cricketers to select teams for county duty

BCB organize practice session for female...

Jan 15, 2025

Archery Guyana makes history with Physiotherapist at Nationals

Archery Guyana makes history with Physiotherapist...

Jan 15, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]