Latest update January 29th, 2025 10:24 PM

Guyana's largest selling daily and New York's most popular weekly

Latest News

When you dig hole, you does fall in

Oct 09, 2014 Dem Boys Seh, Features / Columnists, News

Dem boys hear that de same people who seh that dem deh in this thing together planning a lot of things fuh people.
But there is an old saying, “When you dig hole fuh you mattie, you first does fall in.” Some people got another saying. “When you dig one hole fuh you mattie you must dig two fuh youself.”
When dem boys use to warn people that Jagdeo and he friends was tekking over all of Guyana, nobody didn’t pay attention. Some people think was joke. Now dem wake up and realize that de man and he friends own half of Guyana, dem decide fuh tek things serious and protect de other half before de man and he friends run wid all.
Dem boys seh that Jagdeo and he friends serious. Dem would stop at nutten fuh protect wha dem tek and wha else dem plan fuh tek.
Jagdeo stand up big and bold Wednesday and talk fuh everybody to hear. De man seh that if there is a plot against de owner of de Waterfalls paper, don’t ask if he inside. He deh inside.
That is no secret fuh dem boys. Dem know that he deh in all de dutty, nasty and scampish deals in de country. Dem boys seh that Guyana got a message fuh he and he kavakamites. De day will come when everybody gun rejoice and tun back and pray fuh dem.
Luncheon, who seh that he does follow de party blind, gun can’t save dem. Up to yesterday he defending de indefensible. He talk bout government people discussing email and hacking. He seh that de government frighten.
E-mail is not like a letter. When you press send, it ain’t got no end. Dem boys glad because dem ketch a set of email and got it as undeniable proof of their nasty deeds. Is not like a letter that you write wid a pen pun a piece of paper that you can tear up; or a book wha you write down you deeds that you can set afire.
Email is a thing even if you delete it, Uncle Sam can retrieve it. Even if you throw de computer in de middle of de Atlantic Ocean dem got people who gun find a solution. If you burn de computer wid de hard drive, de email is still alive.
Dem boys got a message fuh all of dem, you can run and hide, even in de Santa complex, but that can’t get rid of de email and dem other nastiness. Dem things dangling in de air and dem boys got access.
Talk half and watch how dem gun fall in de hole wha dem dig.

Similar Articles

The Glenn Lall Show | January, 24th, 2025

Follow on Tik Tok @Glennlall

 

THE BLUNT OF THE DAY

Sports

Guyanese boxers shine at T&T National Boxing Championships

Guyanese boxers shine at T&T National Boxing Championships

Jan 29, 2025

Kaieteur Sports-  Guyanese boxers Shakquain James and Abiola Jackman delivered stellar performances at the Trinidad and Tobago National Boxing Championships, held last weekend at the Southern...
Read More
Dottin, Matthews star as Windies Women crush Bangladesh by eight wickets in first T20

Dottin, Matthews star as Windies Women crush...

Jan 29, 2025

Young Windies Women end U19 T20 World Cup campaign with crushing defeat

Young Windies Women end U19 T20 World Cup...

Jan 29, 2025

Young Eagles, Pride lock up as 4-Day action gets underway today at Providence 

Young Eagles, Pride lock up as 4-Day action gets...

Jan 29, 2025

GBF hails historic $8B sports budget

GBF hails historic $8B sports budget

Jan 29, 2025

GCB bats for Government on sizable $8B Budget Allocation for Sports

GCB bats for Government on sizable $8B Budget...

Jan 29, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]