Latest update December 23rd, 2024 3:40 AM

Guyana's largest selling daily and New York's most popular weekly

Latest News

Brazzy sue and get belly wuk

Jul 31, 2014 Dem Boys Seh, Features / Columnists, News

Brassy and plenty of dem, including de Hanna Rebel, can’t handle truth and fuh stop de truth from coming out to de nation dem run to court.
Brazzy get a pile of de Waterfalls paper and he go to de Fitz man who does run miles. De two of dem sit down and when dem done dem bring out dem boys favourite number 13— lucky 13.
Brazzy choose 13 because last month he pass by de mad house and hear de whole place shouting “13, 13, 13.” Knowing how he stay; that he don’t like to be left out of anything he follow de voice and go by de fence and peep through de fence hole.
One of de mad man jook he in de eye and start shout, “14, 14, 14.” That is how he wearing thick glasses to this day.
Dem boys seh that de day after he file de lawsuit he run out de country. Then he call de Fitz man who does run miles and ask he, “Y’all serve because me belly ain’t serving me too good.”
He lef a girl wid a pair of scissors to cut out all dem copy of dem boys seh. De Hanna Rebel doing de same thing. He telling people he got ambition to be de next president of Guyana.
He seh that he is de man. He use to talk Jagdeo name and now he talking Donald name.   He seh that de only obstacle is de Waterfalls boss man and he paper. Is de same reason he give why de Waterfalls paper can’t get a radio licence up to this day.
De other day dem boys see when he send a surveillance team to de Waterfalls paper. De people drive slow and tek out photo. It look like it didn’t come out good so dem circle and come back within two minutes and stop.
Some of de staff get frighten when dem see de men roll down dem tinted window and roll it up back. De Hanna Rebel who is not a Muslim choose to seh that that particular day  he use another vehicle fuh go and eat at de Masjid.
Fuh a Hanna Rebel man he got to be a fool fuh think dem boys or any idiot would believe that crap wha he seh. Even Jagdeo who resemble de devil wouldn’t buy that.
When de Bees hear bout de 13 lawsuit dem smile. When dem hear bout de Hanna Rebel lawsuit dem laugh because dem seh that de Hanna Rebel gun use he haffice fuh jail dem. Dem boys got a message fuh he.
Talk half and hold that message.

Similar Articles

The Glenn Lall Show | December, 2nd, 2024

Follow on Tik Tok @Glennlall

THE BLUNT OF THE DAY

Sports

Renuka, Mandhana consign West Indies to record loss

Renuka, Mandhana consign West Indies to record loss

Dec 23, 2024

(Cricinfo) – After a T20I series that went to the decider, the first of three ODIs between India and West Indies was a thoroughly one-sided fare. The hosts dominated from start to finish...
Read More
GBA confirms additional bouts

GBA confirms additional bouts

Dec 23, 2024

Opinion: Barbados Cricket Faces Crossroads

Opinion: Barbados Cricket Faces Crossroads

Dec 23, 2024

KMTC Boxing Day Horse race meet turning out to be signature year-end event

KMTC Boxing Day Horse race meet turning out to be...

Dec 23, 2024

Candy Boss Invitational 8-A-Side Football Tournament kicks off Boxing Night

Candy Boss Invitational 8-A-Side Football...

Dec 23, 2024

Chase Academy squares off with St Benedict’s College ahead of today’s final

Chase Academy squares off with St Benedict’s...

Dec 22, 2024

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]