Dem boys seh…No president must be younger than 70 years

Jul 14, 2014 Dem Boys Seh, Features / Columnists, News

Up to now people can’t get over how much money Jagdeo mekking pun de side. When dem think bout all dem pensioners, Jagdeo got to be de super pensioner. Dem boys seh that dem know one pensioner who does get $100,000 a month. Jagdeo does get two times that in a day. And de peep man seh that is legitimate expectation.
Well if everybody got a legitimate expectation, dem wouldn’t have money in de country. Wha Jagdeo do fuh warrant $2 million a month fuh pay security, light bill and transportation only? And pun top he collecting money fuh pay he maids, he cook and he driver. Then he collect he pension.
He get sick de other day and dem boys still waiting fuh see how much dem taxpayers pay fuh send he and Bobby to Florida by special charter jet. According to de Peep man, Jagdeo got a legitimate expectation when he expect dem things. People had legitimate expectation when he was president. Dem expect that he woulda be de man fuh tek Guyana into de future. Dem expect that he woulda be de man fuh help young people develop demself and dem believe that he woulda lock up people who thief government money.
All dem expectation gone to dust. De people never get it suh why de Peep man believe that Jagdeo must get wha he expect. He still ain’t expect that people gun get vex wid he. When dem boys look back dem now know that no president should be a young man. Jagdeo ain’t even meet de age of retirement and he getting all that money. By de time he ready fuh dead, de treasury gon empty.
He tekkin everything fuh heself, all de best dis and de best dat, and look wha he giving de people. Bruk up road, muddy water through dey pipe and nuff people dying in de hospital, while he getting de best treatment in a fancy hospital in Miami.
Dem boys seh that no president should be below 70 years, suh by de time dem done wuk, de country ain’t got to pay no pension fuh no long time because dem don’t have too long mo fuh live. And besides, old people don’t want all dem security, and dem don’t bun too much light because old people like sleep without lights.
And when dem do get sick dem don’t live too long. Is one walk. But since de Peep man talking bout giving Jagdeo wha he expect, dem boys gun give he a special cell wid cushion and thing. And it ain’t gun cost too much.
Talk half and watch how Jagdeo mek pensioners feel helpless.

Latest News

Dem boys seh…No president must be younger than 70 years

Related

Similar Articles

The Glenn Lall Show|| February, 7th, 2025

Follow on Tik Tok @Glennlall

THE BLUNT OF THE DAY

Sports

Imlach masterclass 126, Alimohamed 66-ball 77, give Harpy Eagles life...

Fraser rebounds well, as Arjoon keeps perfect...

Guyana to host historic 3×3 Quest Tournament

Quarter-Finals in Mashramani Street Football...

Vurlon Mills Football Academy launches KFC...

DEMLIFE Golf Tournament tees off today at LGC

Features/Columnists

Due diligence on investments must become a priority

OAS Secretary General Election and renewed OAS Consensus

Awestruck and starstruck with a twist

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Dem boys seh…No president must be younger than 70 years

Share this:

Related

Similar Articles

The Glenn Lall Show|| February, 7th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]