Dem boys seh...Rohee ain’t even good fuh a clerk

Dem boys seh…Rohee ain’t even good fuh a clerk

May 28, 2014 Dem Boys Seh, Features / Columnists, News

Dem boys always warn that nobody should tek on a wuk wha dem can’t do. That is why dem white people never use to promote black people past de rank of sergeant in de police force. Dem believe that black people couldn’t be good past sergeant and dem boys seh that it was eye-pass.
These days is usual to see people getting promote to job that dem can’t do. Ash Knee and Brazzy promote Fip Motilall to de rank of road contractor although he never even build a footpath. De result is that de road never build and Donald had to knock off Fip.
Dem expert does call it promoting people beyond their level of competence. Well Donald do de same thing. He promote Rohee beyond he level of competence. Dem boys seh that after Donald become president he couldn’t do de party wuk and de country wuk at de same time. Papa Cheddi use to do it but Donald was no Papa Cheddi and in any case thiefing wasn’t suh rampant like today.
Anyhow, Donald mek he General Secretary. Donald shouldn’t even mek he a clerk in de Pee Pee Pee. From de time Rohee mix up Dominica wid Dominica Republic, Donald shoulda learn. This is a man who can’t really represent heself; is a man who dumb, dotish and stupid.
Imagine he could explain all de things that happen wid de Marriott. He could even explain how dem two Hong Kong people get 67 per cent of de place fuh US$8 million while de government who put in US$20 million ain’t get nutten.
He is de man who trying to defend dem crook. When dem boys ask how he friends get rich only after dem save money all dem life. Dem never had to buy nutten. Fuh that bit of stupidness Donald did want to send he to jail. He realize that if he send Rohee to jail he would have to send nuff others.
But then he sit down and he decide to attack dem boys. He seh that dem attacking Jagdeo and he getting ketch in de middle. He plan to counter-attack.
Dem boys know that dem got de Creatah pun dem side and he gun give dem strength to withstand anything that Rohee and Brazzy and Ash Knee and all of dem Bees throw at dem boys. One man seh that de crooks trying everything to bring dem boys to dem knees. Dem get Bobby to try fuh do it in de court and he really try fuh beat dem boys into submission.
Is a good thing dem boys had de wisdom and de courage to push everything out of de way wid a smile.
Talk half and watch how Donald struggling wid Rohee