Dem boys seh...A big man put Berry Berry pun notice

Dem boys seh…A big man put Berry Berry pun notice

Apr 09, 2014 Dem Boys Seh, Features / Columnists, News

By now everybody know that Berry Berry fresh. He think a lot about himself but of course he friends and he family know that he ain’t nutten bout mouth and even that he can’t use prappa.
De other day he get fresh wid another young gyal, but it was as if she didn’t mek he learn he lesson. He stand up and he see de gal. Just like wha he do over de weekend, he tell de gyal something fresh. Dem boys seh that she watch he and tell he to tek care of he eyes because dem is de only balls that he got.
De woman then guh to slap him but she just walk away.
This is de same Berry Berry who tell a young reporter that he is a bachelor and that he does still get erection. Dem boys seh that he must ask heself why he is still a bachelor.
This is a man who is a doctor and dem boy seh that is a good thing he not in practice because if he not in practice and he doing all dem thing to young gyal and women dem boys can imagine wha he would do behind closed doors.
Is de same Berry Berry who quick to tell people how dem telling lie pun he. De big man hear bout de story wid Berry Berry and de li’l reporter. Everybody know that de big man is not a man like that. But he is a fair man, not only in complexion, because he look at de statement that de reporter give and he claim how is she word against Berry Berry word. That is when de reporter know that she lapse. From de time she approach Berry Berry she shoulda put on she recorder. But she was complacent because she expect a certain behaviour from a Government Minister.
This is de man who can only live wid heself. But if he continue de big man gun mek he live wid some men in Camp Street or Lusignan.
Talk half and don’t get complacent wid Berry Berry.