Dem boys seh...Donald got a sick Ministah

Dem boys seh…Donald got a sick Ministah

Apr 08, 2014 Dem Boys Seh, Features / Columnists, News

Guyana got nuff strange people but only two pervert. And all two of dem close to Donald but is just that Donald don’t see how dem two does perform. One of dem is a Minister and only de Creatah know how much woman he probably trouble when he was looking after dem.
Dem boys know bout doctors who does put women to sleep and then do things to dem. Some women between sleep and wake remember nuff things. Some women remember so much that one doctor run and go to Trinidad wheh he do de same thing and had to run back to Guyana. He end up in jail.
Dem had another one who love li’l children. He too end up in de arms of de police.
Now dem got Berry Berry. He got to be a pervert. A reporter decide to interview he at de health fair de other day. De poor child barely open she mouth and he telling she that he does still get erection. De child look at he in shock but she get more shock when she look to see signs of this erection and barely see something like de swelling from an ant bite.
De other one is who he is. He don’t mek no bones but he too is a pervert. He does try wid very young boys. He does buy all kinds of thing fuh bribe dem and if he fail dem poor boys does deh in trouble. Dem is de people who does get protection. When Priya talk in Parliament.
She talk up de other day because de Speaker seh that he lift de ban. Dem boys been outside and dem hear she mouth. Is when dem go inside de Parliament chamber that dem realize that she was talking to sheself. De whole opposition walk out—except Amna. She claim how she was waiting fuh talk.
She didn’t talk bout de two pervert and Donald did expect she to talk bout that because he fed up wid complaint.
Well Donald got plans fuh one of dem.
Talk half and watch out fuh dem perverts.