Dem boys seh...Kamla willing to help Donald

Dem boys seh…Kamla willing to help Donald

Apr 01, 2014 Dem Boys Seh, Features / Columnists

Life is about learning. It is about looking at past leaders and elders and learning from dem. When you learn you got to apply the principles to suit you conditions—not air condition.
De atmosphere in which you live is wha dem boys dem talking about.
England had an Iron Lady and she straighten up de place. Trinidad got another Iron Lady. That woman learn from de original Iron Lady. De other day she knock off a Minister who mek he hand fast wid an air hostess. He did threaten to fire she. Dem boys don’t know if he did mean set she ablaze. But fuh sure he get de fire.
Another one get fire yesterday. He beat he lady in public. She tell him send in he resignation in five minutes or she will have the cause to set him ablaze via e-mail. De boys seh that now men got to be extremely careful when dem got a woman as a boss. Kamla promptly fire this one, mekking 12 since she tun Prime Minister.
Guyana is a special case. Before 2011 dem boys seh that Guyana didn’t have a real man fuh a leader. Now dem ain’t certain wha dem got because this one nah got action or inaction. Until dem boys see one or de other dem can’t put a label to wha Guyana got.
Everybody know that you can only identify somebody by dem action or label somebody by dem inaction. Perhaps this one do things secretly but dem boys seh that he got to act publicly.
He got to empty out he whole Cabinet and if he got a worry about who fuh put dem boys seh that he can put he buddy, he sissy, he grandchildren, he great grandchildren, he outside pickney if he got any, and he dog. He got to do some house cleaning. He got to get rid of that Jagdeo, regime that he got.
When he do that dem boys gun start describing he action and label him. Of course dem boys would like to see him come out standing tall like a man.
All Guyana willing to help he clean out de Cabinet once he seh that he want de help. Dem boys prepare to help he every hour. Once he start a clean up campaign he ain’t gun need an election to get another term. It gun come automatic.
Talk half and start cleaning fuh de second half.