Dem boys seh...Jagdeo want polling

Dem boys seh…Jagdeo want polling

Mar 21, 2014 Dem Boys Seh, Features / Columnists, News

Chris de Ram is a real ram. He write a letter and talk he mind and he get a letter from Sue Zee, who did name Ah Kneel. De letter wha Sue Zee write want Chris de Ram to kneel down and beg pardon. Well Chris de Ram seh that dah can never happen.
When dem boys ask he if he intend to kneel down in front Sue Zee, who did name Ah Kneel, and avoid a court action he tell dem that he frighten to kneel down near Sue Zee. He seh that all he life de only time he had to kneel down was when he was a li’l boy going to church school and was prayer time.
Sue Zee was not one fuh prayers suh Chris de Ram frighten. He tell dem boys that if he kneel down in front of Sue Zee, called Ah Kneel, de man might push he down pun he face and lef he tail exposed to all kind of negative treatment. He seh that he too old fuh that. He rather go to jail because he know he gun protect he assets. Dem prisoner don’t handle old food. Sue Zee is a different kettle of fish when he go to jail.
From de time dem jail man hear Sue Zee coming dem gun shout Halleluiah. But Sue Zee lucky because he never had to get a sturdy plug like Jagdeo. And to mek matters wuss, one of Jagdeo media outfit holler how a Poll treat Jagdeo good.
According to de media outfit, de opposition poll Jagdeo. Dem lucky de same opposition did not pull de plug and pole he. Dem seh that if he had to run fuh election, he would win 51 per cent of de votes.
Dem boys got a message fuh he. Dem want 51 per cent of de nation fuh pull out he plug and give he a good polling. But everybody know that Jagdeo can’t tun president again. Suh who in dem madness gun mek up a news item like that.
But then again, dem boys believe that is Jagdeo heself write de news item. He look like he would do anything fuh get a good polling. Rob de Earth seh suh.
Talk half and wait fuh another poll.