Dem boys seh...Donald get juk hard

Dem boys seh…Donald get juk hard

Mar 16, 2014 Dem Boys Seh, Features / Columnists, News

Everybody like sleep but some does sleep more than some. Jagdeo and Bobby does sleep wid one eye open. Donald like sleep, too but he does sleep home.
Some does get ketch sleepin out. Every minute Donald get he does dose off. He sleep suh till dem boys watch how he Minister tek advantage and do all kind of things wid de nation money. Dem boys beg he to wake up just after he tun president. A lot of people, big and small, high and tall, use to juk he but that was joke juk.
Dem beg he fuh tek charge, tek control of de country and its money. Dem boys beg he fuh open he eye and watch de wholesale thiefing of Guyana.
But he refuse to wake up. At one time dem boys believe that he been in a coma because he use to walk and snore. De other day, Rob de Earth tell dem boys something that mek dem suspect that Donald wake up. He had to get a really severe juk in he B…, not in he back or he belly and not in he behind.
You figure out which other B… he get juk.
Rob de Earth seh that Donald call back Irfaat from a trip. Irfaat was already sitting in first class next to Jagdeo when de call come. He did think that Jagdeo is still de president suh he didn’t have to inform de real president.
Dem boys deh pun de Vlissengen Road and dem hear Donald holler out, “Who give Irfaat permission to lef de country?” Half hour later Irfaat was back in he office. He had to fly.
Then he had de nerve to tell Donald how he was in de office all de time and that somebody mislead Donald. That is when de big man get vex.
De man seh that I shoulda leh you backside guh and then call you back like how de Kuwaiti president tell Jagdeo to go and when he near reach de man tell he fuh tun back.
But Brazzy can’t tun back de clock. He had he budday Friday night and he invite a bunch a thieves. De next budday dem boys praying that he spend in pumpkin jumpsuit.
Today is Rohee budday. He plan a big party too and he invite dem boys and tell dem to walk wid dem own likker.
Anyhow, dem boys wish him Happy Budday and dem hope to see he wid a head of black hair.
Talk half and juk Donald some more.poaay Buidday