Dem boys seh...Jagdeo must lef in a tree

Dem boys seh…Jagdeo must lef in a tree

Mar 10, 2014 Dem Boys Seh, Features / Columnists, News

De world mourning how 239 people who been pun a jet from Malaysia to Beijing and how dem dead. Dem people lef dem house good, good but dem got people who always want to see people in distress. Dem boys sorry bad fuh de relatives and loved ones of those who perish.
De investigators now finding out that two people thief two passport, buy two ticket and go pun de plane.
Well de plane disappear and now de whole world hearing that terrorist blow up de plane. Is not a private jet like de one Jagdeo fly to Florida. Dem boy seh that is because he frighten terrorist that Jagdeo hire a private jet. Thief man nah like see he mattie wid bag. Jagdeo know bout terrorist. He try fuh 12 years to terrorise de whole of Guyana.
He get through to a point because some people know things and frighten to talk. But dem had people who stand up, people who he can’t even dream to shake. He try to get rid of people who he couldn’t terrorise. Dem had another set who he couldn’t corrupt. He try fuh get rid of dem too.
He tell de world that de budday boy was a snitch, how he does carry news to de Americans on drug lords. He did want de man dead. He fail but he still planning .
De same Jagdeo now studying if he go pun a plane and terrorist blow up de plane. Of course, one man wish that it happen but that Jagdeo mustn’t dead. He must live to punish.
He must be like Odinga who when he get in an accident and see death, he tun to de church. But as soon as he get good he forget de Creator.
Jagdeo mustn’t deh in a position wheh he cyan forget. De next jet he hire when something happen to he and he use de taxpayer money, must lef in a tree fuh a month somewhere in a jungle.
Talk half and that’s de boss man budday wish.