Latest update December 18th, 2024 5:45 AM
Mar 05, 2014 Dem Boys Seh, Features / Columnists, News
Ah Kneel sue de Waterfalls paper because dem boys seh that he and Cliffy does meet six days a week fuh su su. De thing about is it that is not lie. Every day he does deh at Sleep In and sit down wid Cliffy fuh lunch.
De one day he don’t meet Cliffy he deh pun de phone talking to de man fuh hours. Dem boys seh that is true but then again de truth does really hurt, suh Ah Kneel decide that he gun ask a judge fuh stop dem boys from talking.
He PS did write that she didn’t pay fuh de place but de Waterfalls boss man talk to Cliffy who seh that while he give dem de room free last week, he tell dem that dem got to pay fuh de food. Anyhow, Ah Kneel sue and dem boys gun defend de action all de way.
And while he was in de court filing he action, some of he friends decide to invite a scamp fuh come and talk ‘bout scampishness. Dem invite Basdeo wan ex thiefing Prime Minister from Trinidad fuh give the keynote address to de Guyana Manufacturing and Services Association. Now Panday is de same man who end up in jail because he tek a kickback.
When de government carry he to court he lie. Then de people find out that he put de kickback in he wife bank account in England.
Now dis same Panday coming fuh tell de GMSA don’t put thieving money kickbacks in dem wife name because dem gun end up in jail just like wha de happen to he.
Donald tek over from Jagdeo who mek de world see Guyana as de second most corrupt place in de region. Haiti more corrupt. At least that is wha dem think but dem don’t know half de truth. Guyana got so much corruption that people can walk wid dem eye shut in any government office, and anybody dem touch is a corrupt person. Jagdeo mek so.
He was de man who didn’t try fuh pass de anti-money laundering legislation. Imagine that de people who does check corruption seh that Guyana refuse to put in place de law that gun mek de authorities seize property that people get through corruption.
Don’t ask why Jagdeo never try fuh push this law.
Talk half and watch de gathering of scamps.
Dec 18, 2024
-KFC Goodwill Int’l Football Series heats up today Kaieteur News- The Petra Organisation’s fifth Annual KFC International Secondary Schools Goodwill Football Series intensified yesterday with two...Peeping Tom… Kaieteur News- In any vibrant democracy, the mechanisms that bind it together are those that mediate differences,... more
By Sir Ronald Sanders Kaieteur News – The government of Nicolás Maduro in Venezuela has steadfast support from many... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]