Dem boys seh... AH Kneel deh pun a hustle

Dem boys seh… AH Kneel deh pun a hustle

Mar 02, 2014 Dem Boys Seh, Features / Columnists, News

It’s better to keep your mouth shut and let people think yuh stupid than to open yuh mouth and remove all doubt.
When de Sanata Complex story buss out Jagdeo seh how he ain’t had nutten fuh do with the decision. He seh that de man is he best friend Bobby Ramroop and he nah want he name call so he get up and walk out of Cabinet and lef he colleagues fuh mek de decision fuh give away de complex.
He den tell de nation how Guyana gun benefit from de deal. But people ketch he lying because he seh how thousands of people gun get nuff wuk. You nah got fuh ask how much people wukking deh. Dem boys can count dem pun one hand.
De place sell to Ramroop fuh next to nutten. Guyana ain’t know up to now how much Ramroop really pay. What dem boys know fuh sure is dat de place does get all government wuk and that de property worth nuff millions, in Uncle Sam money.
Days before he lef de wuk he give Bobby five radio and cable licence, secretly. De man suh brazen dat he mandate dat he best friend Bobby must get telecommunication licence, too, fuh put GT&T out of business.
When dem boys use to question why de government selling de 20 per cent shares in GT&T, Jagdeo and de fat crook, Brazzy keep dem mouth shut.
Now de picture clear why de government sell out de shares. It was to clear de way fuh Bobby come in and tek over de telecommunication industry.
De list of wha Brazzy, Jagdeo and Bobby do together suh lang dat this paper ain’t got enough pages fuh document it.
Jagdeo really think dat this nation suh stupid to believe that he ain’t got no business interest wid Bobby.
Ah Kneel was he friend, too. He was Jagdeo lawyer. Dem boys know he is a liar. Ah Kneel learn from Jagdeo and now wan try de same thing wid this nation.
Dem boys seh Ah kneel make he PS tell lie. He go to Sleep Inn Boardroom fuh do a presentation and when dem boys talk how he enriching heself wid tax dollars he get he PS fuh write an seh dat is she choose de place and how dem get de boardroom fuh free.
She try fuh pull a Jagdeo stunt. If she don’t know, dem boys want tell she dat she boss, Ah Kneel, and Cliffy does have lunch together six days a week at dat same Sleep Inn. And is not dem boys seh suh; is all de workers at de hotel tell dem boys that. De day when dem don’t meet dem does call one another and talk pun de phone fuh hours. De workers seh suh too.
Dem Boys want ask de PS which two man does sit down and have lunch six days a week and just share a normal friendship.
Just to correct she, Cliffy tell de boss man fuh de Waterfalls paper that he nah charge fuh do boardroom; that dem jus gaffa pay fuh de food.
Dem boys seh if dat PS got any sense she wud know dat Cliffy include the fee fuh de boardroom in de food and is she gun gat fuh take tax dollars and pay fuh um.
Just how government continuing to pump millions of tax dollars in the Hard Times paper wha nobody does read, Ah Kneel now trying he hand fuh get a small piece.
Talk half and sorry Cliffy.

Latest News

Dem boys seh… AH Kneel deh pun a hustle

Related

Similar Articles

The Glenn Lall Show|| April, 4th, 2025

Follow on Tik Tok @Glennlall

THE BLUNT OF THE DAY

Sports

‘One Guyana’ 3×3 Quest tips off today

Twin tons from Anderson, Imlach steer Eagles back...

Race for quarterfinal spots commence today at MoE...

Marsh sets up Lucknow’s comfortable win...

Saints and GTI dominate as YBG Georgetown...

Carty misses ton, Hamilton (80) sets up tense...

Features/Columnists

The One-Man Republic

The U.S. “Joining” the Commonwealth: an unreasonable expectation

Polls – what they say, where I stand

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Dem boys seh… AH Kneel deh pun a hustle

Share this:

Related

Similar Articles

The Glenn Lall Show|| April, 4th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]