Dem boys seh...Fright gun kill One Edghill and Ah Kneel

Dem boys seh…Fright gun kill One Edghill and Ah Kneel

Feb 04, 2014 Dem Boys Seh, Features / Columnists, News

Last week, when de European Union decide to step up and help Guyana wid de sea defence, Ash Knee seh that Guyana got to protect all de assets that deh pun de coast.
He mek it a point to tell de Europeans that except fuh mining and forestry everything else deh pun de coast and dem boys agree. Dem tell de EU people that most of de people live pun de coast, which is true. Wha he fail fuh tell de people is that all de crooks live directly off de seawall suh if de seawall break away is dem gun suffer de most. That’s de reason why dem want de EU fuh fix de seawall. Dem want to protect dem thiefing assets.
All de Bees, from de biggest Bee to Rob de Earth and Irfaat live when de sea could drown dem once de wall break. In fact, de biggest Rat of all move suh close to de sea that he feeling de spray every time he open he window.
Since he move deh he buy a boat because he think that he gun sail away when de problem come.
Dem boys got a suggestion fuh de EU people. Don’t waste money pun old house. Everybody know wha does happen when you touch one wood. You does eventually build over two house instead of fixing one.
Here is de advice, if you really want protect de nation build a new wall to protect de majority of de people and left de old wall fuh bruck way and fuff dem up. Some of dem gun run past dem house like how two lil boy mek de pastor run pass he own church.
De two boys thief a big bag of oranges from a neighbor and decide to go to a quiet place to share it, equally. One of them suggest the nearby cemetery.
As dem jump over the big gate fuh go into de cemetery, two orange fall out of the bag but dem boys didn’t bother to pick dem up.
A few minutes later, a drunkard name Ah Kneel going home after a bout at Sleep In, pass near the cemetery gate and heard a voice saying: “one for me, one for you, one for me, one for you”
He immediately sober up and run as fast as he could to One Edghill church nearby.
“Bishop, Bishop, come with me quick. Come and sees God and Satan sharing bodies at the cemetery”. Dem run back to the cemetery gate and the voices continued: “one for me, one for you, one for me, one for you’
Suddenly, the voice stop counting and said: “what about the two at the gate?” If you see run. Bishop One Edghill run past the church gate and Ah Kneel run past State House, shouting: “Oh Gawd, we ain’t dead yet.”
Talk half and wuss than that gun happen to all of dem who live langside de seawall.