Dem boys seh...Brazzy gone wid $8 million more

Dem boys seh…Brazzy gone wid $8 million more

Jan 18, 2014 Dem Boys Seh, Features / Columnists, News

De good book seh that a wise man build he house on solid ground but a fool builds on sand. From de evidence GPL got to be a bunch of fools and dem boys seh that wid Brazzy as de Chairman dem ain’t expect anything different.
GPL decide that it gun build a new power station at Vreed en Hoop. This station suddenly cost more than dem plan. When de experts do de figure dem find out that was eight million dollars more. This couldn’t hide because dem boys find out bout de money.
Some people decide fuh ask questions. Brazzy decide fuh slide down in de chair and is only he belly that chock stop he from going down to de floor. Sam Hinds decide fuh push in he mouth wid more stupidness. He claim how de project progressing stage by stage.
De first stage was to lay de foundation fuh hustle de money and de second stage was to thief de money. But Bharat Dindyal seh that he can explain de situation. He claim how de place wheh dem decide to build de foundation de place was a swamp. Now dem boys want know who gun look fuh a swamp fuh build a foundation.
Dem boys seh that de reason is because Brazzy know that he had to thief and he had to find a way because dem boys watching he every move suh he get de perfect excuse when dem find de swamp. But everybody know that de only swamp dem got in Vreed- en- Hoop is by de mudflat. Even Plastic City which deh over de seawall is no swamp.
Anyhow, Brazzy tell Sam who tell Bharat that de swamp eat up $8 million dollars worth of sand. De truth is that de foundation had to be like Brazzy belly. In fact, dem boys seh that if he did put Donald in de foundation de money woulda still disappear because Donald belly not far from Brazzy own. Imagine sand disappear.
Dem boys seh that Guyana tun animal farm. Brazzy did nuff siphoning off fuh de Rat and now it got to be that he siphoning off fuh de Don-key. If this foundation eat up all that sand wha dem build de real foundation pun? That is wha dem boys want to know.
De next thing dem boys guh hear is that piglet, Shaatie, had to get and Squealer—de Irfaat had to get too. Well dem boys intend to squeeze Brazzy till he fork out de money, even if he got to sweat (and that is not really de word) out de sand.
Now dem boys also got to worry if de plant gun sink too. That gun be US $26 million.
Talk half and watch Brazzy sheet out sand.

Latest News

Dem boys seh…Brazzy gone wid $8 million more

Related

Similar Articles

The Glenn Lall Show|| February, 14th, 2025

Follow on Tik Tok @Glennlall

THE BLUNT OF THE DAY

Sports

GBA assembles elite squad for 2025 Caribbean Boxing Championship in...

PanAm Aquatics urges GASA reform, lift suspension...

Alimohamed, Motie stroke fifties as Harpy Eagles...

Mashramani Street Football Championships...

Fitness Express to reward overall winners

Amaya Milk Company backs One Guyana Mashramani...

Features/Columnists

The Opposition is engaged in self-sabotage

OAS Secretary General Election and renewed OAS Consensus

Wanted – ten Guyanese true and trustworthy

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Dem boys seh…Brazzy gone wid $8 million more

Share this:

Related

Similar Articles

The Glenn Lall Show|| February, 14th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]