Dem boys seh...Sam Hinds lead dead back to parlour

Dem boys seh…Sam Hinds lead dead back to parlour

Jan 16, 2014 Dem Boys Seh, Features / Columnists, News

Old people got a saying that rain don’t fall at one man door. Well de rain that fall de other day and flood de city affect even dem who help block up de drains and cause de whole place to flood. Well dem boys see something that mek dem believe that de situation can’t change.
Sam de PM been to a funeral and when de service done dem organize a procession. Dem boys know that after a funeral service de procession does lead to de cemetery. But Sam lead this one back to de funeral parlour. De man walk wid pride.
Dem boys seh that he step more than dem police who does march when dem got special occasion. De cemetery did flood suh nobody coulda bury. And Sam proud to lead this one back to de parlour.
Well is nuff people just waiting fuh get dem final rest. People cry out. Dem cry and dress up dem dead fuh burial only fuh carry it back to de parlour.
Dem, boys seh that fuh avoid all de embarrassment, people should carry dem dead to Pradoville 2. In fact, when dem see Sam leading Terry funeral procession, dem think that is wheh he did going. And fuh dem who couldn’t get buried de day before dem got nuff other place. Dem got Irfaat poolside, Rob de Earth palace, and de Rat mansion.
It ain’t nice fuh wish bad thing pun people and it even wuss to wish death pun people but is times like this that some of dem should go through wha de poor people going through. Of course some of dem done decide that since dem boys talk dem gun be cremated—get an early taste of de fire and brimstone that dem got to face.
Dem boys believe that pretty soon people gun have to build five storey tomb to counter de flood. Truck gun be travelling to de cemetery wid steel and dem things that contractors does use to build hotels. When de cemetery flood dem gun use de top shelf and when it dry dem gun use de bottom.
Brumell got to do something or face he share. Donald and Irfaat talking bout tourism. Dem does mek it dem duty to count how much tourist come. But dem ain’t know that de police chasing way nuff other tourists.
De other day dem brackle some people from Suriname. And now dem boys hear that this is not de fuss time. One group get stop five times by five police patrols and had to pay $5,000 at every stop. De police seh that dem got to collect Brumell pension.
De police doing wha dem shouldn’t do. Every time dem see a foreign plate dem think is a goldmine. But dem boys pointing to de fact that de police in Suriname does help Guyanese rather than rob dem. Guyana is de exact opposite.
Guyana only getting shame and is this same group Rohee gun tek and tun squat and if dem corrupt he gun cross that bridge when he come to it.
Talk half and watch how de dead learning to swim.

Latest News

Dem boys seh…Sam Hinds lead dead back to parlour

Related

Similar Articles

The Glenn Lall Show|| February, 10th, 2025

Follow on Tik Tok @Glennlall

THE BLUNT OF THE DAY

Sports

Khalil, Pollard and Barker reign supreme as BCQS Int’l Masters...

Cricket West Indies passes historic governance...

Archery Guyana hosts thrilling 2024 National...

Prashad claims victory at the recently concluded...

West Indies & Sri Lanka top their respective...

Allicock, Amsterdam named in GBA training squad...

Features/Columnists

Are we better off today than we were before first oil?

OAS Secretary General Election and renewed OAS Consensus

Jagdeo on contract awards

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]

Dem boys seh…Sam Hinds lead dead back to parlour

Share this:

Related

Similar Articles

The Glenn Lall Show|| February, 10th, 2025

Follow on Tik Tok @Glennlall

THE BLUNT OF THE DAY

Sports

Features/Columnists

Publisher’s Note

Weekend Cartoon

Bridge Watch

Demerara Harbour Bridge

> Berbice Bridge […]