Dem boys seh...De Creator supporting dem boys

Dem boys seh…De Creator supporting dem boys

Jan 08, 2014 Dem Boys Seh, Features / Columnists, News

Dem crook want dem boys to stop talking bout dem and to stop exposing dem but dem have to learn something. As dem boys was reading all dem Good Books dem come up wid this quote.
“True peace can be experienced only when we stop giving and taking sorrow.” Now that is de message that dem boys sending to dem crook. Nobody can measure de amount of sorrow dem crook cause de people of dis country.
Poor people sit down and watch how dem money mek dem crooks get rich. But de Creator watching all de time and he got plans. He select dem boys. “Behold, I have put My words in your mouth. See, I have this day set you over the nations and over the kingdoms, to root out and to pull down, to destroy and to throw down, to build…”
That is wha dem boys been doing, destroying all de corruption in de country. And dem boys ain’t frighten because de Creator deh in dem corner. Dem boys already rooting out corruption but dem can’t get de crooks fuh put back wha dem tek.
De fat crook does guh to church five times a day but de Creator know is a sham and he don’t tek fooling. He tell dem boys that whatever dem seh is because He put de words in dem mouth. At one time dem boys believe that dem was wasting dem time till dem get a message. “You’re not working alone; God is with you. Whether it’s to pull down or build up, the One who called you will equip you, empower you and give you success. He didn’t make a mistake when He picked you.”
Dem boys seh that this year all who still believe that dem can cause sorrow gun be really sorry.
Talk half and know that dem boys got Big Support.