Dem boys seh...De Big Market paper deh pun stupidness

Dem boys seh…De Big Market paper deh pun stupidness

Aug 30, 2013 Dem Boys Seh, Features / Columnists, News

Imagine a man decide to tell de world that he gay. He put out a notice fuh anybody interview him and de Big Market paper tek up de offer. Dem boys want to know who care if de man, Suseran, gay or if he does play; if he straight or if he ben and dem ain’t talking bout de men wid de hammer. He is a real man—a real hammer man.
De question dem got fuh de Big Market paper is if de Waterfalls boss man send a notice that he straight if dem gun interview he. Dem got another question fuh that paper and it got to do wid de editor.
Dem boys want to know who else gun get interview. There is Kwame who everybody know gay. He so gay that de Americans tek way he visa because he molest li’l boys in untold numbers. Don’t ask bout de Rat. Nobody really care whether he gay or straight or if he lean or if he twist up. People don’t care.
De truth is that dem boys got to live wid everybody, whether dem gay or straight. Dem is people and some of dem mekking a contribution. De media full of dem, but nobody ain’t see any interview wid photograph.
That ain’t de only paper that doing stupidness. De Hard Times paper carry some story that de Pee Pee Pee and See warning de Americans bout military strike in Syria. Dem boys seh that is like a mosquito warning an elephant ‘bout walking in de jungle. Of course de Pee Pee Pee and See got confidence in de GDF. It sending a message that Guyana gun invade America.
That might be de message, because Kwame got to get back he visa. But de Ambassador only smiling and shaking he head. He now planning to tek way all dem government people visa like wha’ happen couple years back when Guyana talk fat about de deportees.
Well, as dem boys seh, monkey know which limb fuh jump ‘pon.
Talk half and don’t expect to see any more interview bout who gay or who straight.