Latest update December 4th, 2024 2:40 AM

Guyana's largest selling daily and New York's most popular weekly

Latest News

Dem boys seh…De airport more important than de Marriott

Jul 13, 2013 Dem Boys Seh, Features / Columnists, News

 

 

When de opposition cut de budget dem believe that dem woulda slow up de government. Dem talk bout de airport expansion and dem feel that dem woulda stall de project. Well Robeson set de record straight. He announce loud and clear that de expansion gun go on regardless.
One man ask he wheh de money gun come from and he seh “Don’t worry bout that.”
But why people shouldn’t worry? Dem ask wheh de money coming fuh de Marriott and de people tell dem, “Don’t worry bout that.”  When people ask bout de Skeldon factory and who paying back de money, de people tell dem ‘Don’t worry bout that.”
That is how dem boys know that people thief so much money that dem ain’t got to worry about spending back some. Is like an investment. Is like a man who thief from he father and tun round and spend that same money in he father business and de father got to pay he interest pun de money he put in.
When de airport done dem people gun got to name different parts after people who put in de money. Dem would have de Bharrat Jagdeo gallery, de Brassington toilets, and of course de Bees concourse.
When a man can talk so fat that de government gun find US$150 million like nutten and it ain’t coming from de Treasury is time fuh worry. It ain’t no Mafia lending money or at least dem boys don’t think suh.
If dem people got so much money why dem ain’t buy any plane? Well Robeson explain that too. He seh that every aspect of de airport industry does mek a profit except de people who operating de plane. That is why dem was backing Sonny. He was losing de money but dem woulda mek de profit.
Dem boys seh that de airport expansion is really important. That is wheh de real money gun come to Guyana. Chinee and Vietnamese and Africans all want to go to de States. Dem gun come to Guyana and get a passport which seh that dem is Guyanese. Then dem gun get a man from inside de Embassy to sell dem de visa fuh US$40,000 a shot. Think bout de bonanza. That is why dem expanding de airport.
Talk half and roll out de money.

 

 

Similar Articles

The Glenn Lall Show | December, 2nd, 2024

Follow on Tik Tok @Glennlall

 

THE BLUNT OF THE DAY

Sports

UDFA Year-End Futsal Tournament kicks off December 15

UDFA Year-End Futsal Tournament kicks off December 15

Dec 04, 2024

-$1M up for grabs in 15-team tournament Kaieteur Sports- The Upper Demerara Football Association (UDFA) Futsal Year-End Tournament 2024/2025 was officially launched on Monday at the Retrieve Hard...
Read More
Jaker, Taijul and Rana script Bangladesh’s first win in West Indies since 2009

Jaker, Taijul and Rana script Bangladesh’s...

Dec 04, 2024

Trophy Stall and Superbet on board with Kashif and Shanghai Futsal tourney

Trophy Stall and Superbet on board with Kashif...

Dec 04, 2024

Jai Hind Jaguars trounce North Soesdyke Masters to claim O50s title

Jai Hind Jaguars trounce North Soesdyke Masters...

Dec 04, 2024

BMC invites clubs/teams to register for the 2025 BMC O40s Tournament

BMC invites clubs/teams to register for the 2025...

Dec 04, 2024

ASK-G holds successful Karate Grading Examinations

ASK-G holds successful Karate Grading

Dec 04, 2024

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]