Latest update March 30th, 2025 7:59 PM
Feb 24, 2013 Dem Boys Seh, Features / Columnists, News
Yesterday was Mash. People was planning since de year start and some of dem even travel from far fuh be in Guyana fuh Mash. Dem had de usual flag raising and de rain skin up its face. Right away people seh that de Man above decide that all dem Minister want a bath and that Guyana want blessing.
People even start fuh worry bout de Mash float but then dem know that once is a sport dem boys know that de sun gun come out. Is only cricket does mek rain fall.
Well when dem boys guh pun de road fuh watch de float dem see de biggest float. Was Brazzy and he two bodyguards.
Is only when he pass that people realize that he don’t need no bodyguard because nobody don’t want to trouble he. Dem want see he in jail.
And it had to be that de rest of dem Minister didn’t have de courage to face de people. Normally dem does walk wid dem float. This year de float been pun dem own because dem Minister shame, especially since dem boys start fuh talk how dem sell out Guyana.
But even before Mash day dem had others who been ketching dem hand. Dem boys hear bout some policeman who lef town and go up de bank and set up roadblock. People get suspicious and de police from de area come out. De town police hustle back to town but dem didn’t get a chance fuh spend wha raise dem mek because dem get lock down.
That is why dem boys always seh that when dem see a roadblock dem does tek out a small change fuh mek peace.
And while de police was dealing wid that dem had to deal wid dem own who didn’t have faith. He kill heself and lef de same wife who he seh giving he headache fuh continue doing wha she doing. Brumell end up saying that just when he think all he troubles done is more old house pun old house.
Kwame got old house pun old house. He tell dem boys that he looking fuh de army major who mek de Canada woman report to de police about destruction of property.
Talk half and help Kwame wid he desire.
Mar 30, 2025
Kaieteur Sports- The Petra Organisation Milo/Massy Boy’s Under-18 Football Championship is set to conclude its third-round stage today, marking the end of preliminary rounds of the 11th annual...Peeping Tom… Kaieteur News- Bharrat Jagdeo, General Secretary of the People’s Progressive Party (PPP), stood before... more
By Sir Ronald Sanders Kaieteur News- Recent media stories have suggested that King Charles III could “invite” the United... more
Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.
Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]