Dem boys seh...Uncle Donald honnymoon over bai

Dem boys seh…Uncle Donald honnymoon over bai

Aug 13, 2012 Dem Boys Seh, Features / Columnists, News

Dem boys de bet dem last dollar that de Donald will be a no-nonsense man. And dem boys still believe that he is a good man but the honnymoon is over… it is time fuh action.
The whole country including de Donald know plenty things happen under De Rat. As a matter of fact, De Rat create all the lawlessness and corruption in this country. It is evident that that is so cause no one has ever been before the courts for anything as small as a cop tekking a small piece.
Ever since Uncle Donald took office the press been giving him a honnymoon and that mek people talking all over the place how he is a good man.
Well the honnymoon dun bai. It is over and it is time fuh you to start sending the message that the nation and dem boys want to hear to badly. Every body wants to hear that Uncle Donald is the man inside the pants he wearing and no one else tying his belt over he belly.
Dem boys want to tell him that one Kantractor seh he refuse to give 16 million bribe and dem create all kinds of excuse fuh tek way the man contract.
He calling not on De Rat, but Uncle Donald to tek action…and de nation watching to see wha he gun do. Dem also watching wha he gun do wid dem two from Hen See Hen wha thief the taxpayer money and barefacedly put it in dem bank account and get ketch.
Dem boys watching this one with a big teeth comb cause there can be no excuse that dem get catch red-handedly and dem should guh to efffen jail. Dat is what dem boys seh.
Dem boys know that dem gun find excuse fuh tek dem self out from the road contract and seh how de kantractor lie. But everybody know de man telling de truth and dat de minister and he kavamites dem are really the ones who know wha going on.
But how dem gun tek demself out of the Hen See Hen one only Uncle Donald and God knows.
Talk half and send dem to jail.