Dem boys seh...De hamma man seh he accept de Chinee bid

Dem boys seh…De hamma man seh he accept de Chinee bid

Jul 04, 2012 Dem Boys Seh, Features / Columnists, News

De airport expansion going ahead. Dem didn’t have no tender because de man wid de hammer seh that he satisfy and de law cover he ass. He did explain that de Chinee people come wid de money and de proposal. Is a surprise that dem didn’t come wid de airport too.
Dem boys had a problem wid de price and dem still got a problem with it. Dem think that it got a lot of kickback and kick up inside.
De hammer man explain that he bargain because dem Chinee people did tell dem US$185 million. Well dem boys want to know why dem didn’t bargain till de price did come down to US$5 million.
He want people believe that he bargain but dem boys know that he couldn’t even bargain to buy a bicycle fuh he Ministry without Jagdeo permission. Dem boys seh that none of dem coulda do anything without Jagdeo permission.
In this case Jagdeo tell he to accept. De man wid de hammer get a small kick up while Jagdeo expect a big kickback.
Ralphie know everything wha been happening and when he talk he didn’t get kickback, but tek kick out. Ralphie didn’t collect even a small piece before he lef although de man wid de hammer promise he something. That is why dem boys believe that he gun go back.
Uncle Donald begging Ralphie fuh come back. Dem boys seh that if was a case wheh he wife did lef he, he wouldn’t beg suh.
He mek Gail guh down pun she knee and beg pardon. He mek Cement guh to Ralphie front gate and apologise; he seh how he sorry; and he mek Nakta de Bukta guh to de dackta fuh explain de matah.
And not dem two dackta wha like sue people fuh close dem mouth and shut dem up.
Talk half and wait fuh de answer.