Latest update February 12th, 2025 8:40 AM

Guyana's largest selling daily and New York's most popular weekly

Latest News

Dem boys seh…Waterfalls paper give Jagdeo blood pressure

Apr 20, 2012 Dem Boys Seh, Features / Columnists, News

 

 

People don’t know Uncle Donald. He can bruck up any coo coo party. After de elections people believe that de opposition woulda run parliament. Dem didn’t understand that Uncle Donald would cut a deal wid de devil if he got to.
He cut a deal wid de AFC when dem had to vote pun de Supplementary vote. Grinnidge decide that he party gun challenge de money wha spend. When was time to vote he find out that AFC didn’t support he suh de government win.
Now is de budget time and Ramjattan decide that he gun cut out some of de money. He didn’t bargain fuh Uncle Donald. De Donald cut a deal wid APNU suh when Ramjattan vote fuh de cut he lef expose. Dem boys seh that Uncle Donald prepare to bruck up de opposition majority.
But some people vex. Dem people in Linden want know wha happen wid dem and de electricity. Dem protest fuh cut de amount of money dem got to pay in light bill, but Sam announce that dem got to pay it and Uncle Granger cut a deal wid Uncle Donald fuh mek dem Linden people pay. Right away, Uncle Granger holler like pig, “not me.”
Well if is not he, is who? That is wha dem boys want to know. But one thing is fuh sure. All dem extra money wha dem use to put in de budget done hide. Imagine is only one contractor bid fuh a contract when in de past dem didn’t have space fuh write all of dem name.
People now seh that de Waterfalls paper deserve a national award fuh de scrutiny it put pun all dem big ones. De only thing is that this government ain’t gun even dream of giving de Waterfalls paper anything but bad name.
Was de Waterfalls paper mek people know all who thiefing and who tek de money and build fancy house. Was de same Waterfalls paper who check all de cock wuk wha dem contractor do and force dem to give proper work.
Was de same Waterfalls paper mek Brazzy lef de wuk, mek de Bees dig a hole and hiding in de ground and mek de Rat get high blood pressure. De paper really deserve an award and dem boys seh that dem gun print dem own award just like how Jagdeo get people fuh print a certificate that he is a doctor.
Talk half and praise de Waterfalls paper.

Similar Articles

The Glenn Lall Show|| February, 10th, 2025

Follow on Tik Tok @Glennlall

THE BLUNT OF THE DAY

Sports

Ministry of Culture, Youth and Sport endorses Mashramani Street Football Championships

Ministry of Culture, Youth and Sport endorses Mashramani Street...

Feb 12, 2025

Kaieteur Sports- The Ministry of Culture, Youth and Sport (MCY&S) will substantially support the Mashramani Street Football Championships ahead of its Semi-Final and Final set for this Saturday...
Read More
Guyanese boxers shine in IBA World Rankings ahead of Caribbean Championships

Guyanese boxers shine in IBA World Rankings ahead...

Feb 12, 2025

Motie returns for Day/Night affair, as fired-up Harpy Eagles eye 3rd straight win

Motie returns for Day/Night affair, as fired-up...

Feb 12, 2025

Daniel Singh pockets East Bank Pool crown

Daniel Singh pockets East Bank Pool crown

Feb 12, 2025

Khalil, Pollard and Barker reign supreme as BCQS Int’l Masters concludes

Khalil, Pollard and Barker reign supreme as BCQS...

Feb 11, 2025

Cricket West Indies passes historic governance reform at special meeting of shareholders

Cricket West Indies passes historic governance...

Feb 11, 2025

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]