Dem boys seh...Commissioner Rush Ann and Knee Ass tek de cake

Dem boys seh…Commissioner Rush Ann and Knee Ass tek de cake

Jan 07, 2012 Dem Boys Seh, Features / Columnists, News

Some people does try fuh point fingers when dem don’t even got a hand to help dem fingers. Tek de case of a man who believe that he could be Police Commissioner. He jump up and decide that he should push he mouth up Irfaat tail.
This is de same man who pay he people less than de minimum wage and when dem complain he knock dem off. But he know bout who should own house. Dem boys seh that he guh so far as to buy a crowd fuh watch a certain beauty contest that he family been in.
He know that people should own big house and dem boys seh that he should know. Get some big watchman contract after he cry and beg. He mek a big show when people dead pun he wuk and he does give de family money fuh buy ration fuh three days. He does call it compensation.
But he ain’t de only one. Dem boys seh that dem have one who trying fuh write jokey things. He claim that de Waterfalls Boss man like jump pun people back. Dem boys want Knee Ass to know that de Boss man planning fuh jump pun he back and ride he good like one does ride any ass.
He gun get black and blue eye, bruck tooth and a sore ass. He know bout dem things. He wife got he busy, beating he every time he mek mistake and even think about a woman. And that is de third woman to do that. He still hiding from de other two.
But wha got dem boys thinking is how this man think that he is some expert. He decide that Kwame is Uncle. He can’t differentiate between him and shim. Everybody is uncle. Dem boys seh that it got to be so when you don’t know de wuk, and when you got to kiss tail till you teeth get blue.
Talk half. Lef half.