Dem boys seh...Man better cut dem eye pun woman

Dem boys seh…Man better cut dem eye pun woman

Dec 15, 2011 Dem Boys Seh, Features / Columnists, News

Three things does destroy any human being—PRIDE, ANGER and GREED. Greed is de worst of all. It is a thing that does mek de greedy one eyes pass people. Dem boys wake up one morning and dem see a letter in de mailbox. Dem know is Christmas and dem agency and people does send out pamphlet and things wishing Merry Christmas.
Is when some business people open de letter that dem see was a begging letter. De Sports Ministry send out de letter begging fuh money to hold a Christmas party.
All dem Ministry send out begging letter. Rob Bert Ministry is de only one-man Ministry. He didn’t send out a begging letter because he got money fuh keep Christmas party fuh de whole country.
According to dem boys he is one who tek more than enough. He alone can hold de Main Big Lime.
Dem boys seh that de money dem tek when dem build that NIS office in Berbice coulda hold a party fuh de whole of Berbice and mek dem supporters happy without begging a soul fuh a cent. Instead dem spend money inside de Santa Complex fuh put up all dem buildings and fuh add insult to injury dem same Ministry that begging got money to buy de Hard Times and Chronicle. Dem don’t buy de Waterfalls paper and de Big Market paper.
Now if dem got money to waste pun dem two other paper dem can hold Christmas party.
Dem boys seh that nuff man does see woman at Christmas party and dem eyes does light up. This year dem boys seh that dem better cut dem eye. One man begging already. Dem woman out to mek nuff man go to jail so at de slightest thing dem does holler rape.
A woman got a big man crying because she tell de whole country how he rape she. She claim how de man suh heavy that when he done she couldn’t even get up. She claim how she forget time and of course she lost she breath.
Dem boys prefer to watch people like Kwame. Dem would even watch Kwame.
Talk half. Lef half.