Latest update November 8th, 2024 1:00 AM

Guyana's largest selling daily and New York's most popular weekly

Latest News

Dem Boys Seh…Greed is a hell of a thing

Aug 27, 2011 Dem Boys Seh, Features / Columnists, News

 

De clique tekking more and more assets before elections.  Dem tekking everything, not only state property, but also private people property and things. Is a long time people been complaining but nobody didn’t listening. Some people laugh because dem fall fuh de bluff that people was mekking noise fuh mek some frighten.
But dem boys know that it wasn’t bluff. Dem remember that de clique did want de Waterfalls paper. Dem come wid sweet talk and nuff money but de people at de Waterfalls paper tell dem fuh keep dem money and fuh carry dem so and so.
De people tek dem money and dem end up wid de Times. Well if de Times was a boat it was no Noah’s Ark because it nevah float. It sink before it coulda get off de ground. Then dem tun dem eyes to Mitta Sharma but de short man didn’t sell. Dem try many times fuh tek way he licence by force and that didn’t wuk. Dem even shut he down. Is suh dem ketch a Putagee man who de whole country thought had sense and buy he out. Dem change de money and give he cents. He give dem he TV and now he sorry. He didn’t only give dem de TV station, he give dem all he property.
De new owner change de name of de station from VCT to something that nobody ever remember.
Next, dem tun to Ruimveldt Estate but de court put a stop to that because dem was planning to give somebody who got more money than all dem Caricom leaders put together except one man.
Now dem tekking a man land from Turkeyen and guess fuh what? Build a porn centre. Well dem boys seh that is one building wid nuff porn centre. But again de court step in. Imagine a man invite people to see how he gun tun de sod although the matter in court. Dem boys seh that it now clear that some people got no regard fuh de court.
Now that dem boys talk, dem hear that de people coming fuh de Waterfalls paper again. Dem boys seh that dem must come by dem back and wine slow. Some of dem suh big that no shop got underwear fuh fit dem. Dem can lead de posse. Kwame, who already worn out, must stay at de back, but he can come too.
Greed is a hell of a thing. People got more than dem want and yet dem want more. That is why some of dem does get heart attack. Dem greedy wid food, dem greedy wid money, now dem greedy wid property and assets.
Talk half. Lef half.

Similar Articles

The Glenn Lall Show | November, 6th, 2024

Follow on Tik Tok @Glennlall

THE BLUNT OF THE DAY

Sports

CWI Cricket West Indies suspends Alzarri Joseph for two matches

CWI Cricket West Indies suspends Alzarri Joseph for two matches

Nov 08, 2024

Bridgetown, Barbados – Cricket West Indies (CWI) has imposed a two-match suspension on fast bowler Alzarri Joseph following an on-field incident during the 3rd CG United ODI at the Kensington...
Read More
ExxonMobil Futsal Championship heats up in Linden

ExxonMobil Futsal Championship heats up in Linden

Nov 08, 2024

Harpy Eagles left frustrated by weather once again in Super50 Cup no-result against Scorpions

Harpy Eagles left frustrated by weather once...

Nov 08, 2024

Lennox Blackmore National Intermediate C/ship shifted to Six Head Gym

Lennox Blackmore National Intermediate C/ship...

Nov 08, 2024

All-round Jaguars clinch 3-wicket win over Pitbulls 

All-round Jaguars clinch 3-wicket win over...

Nov 08, 2024

GSLT20 ticket sales begin tomorrow at the local box office

GSLT20 ticket sales begin tomorrow at the local...

Nov 08, 2024

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]