Latest update January 3rd, 2025 4:30 AM

Guyana's largest selling daily and New York's most popular weekly

Latest News

Dem boys seh……Robeson looking fuh a war tank

Aug 03, 2011 Dem Boys Seh, News

 

In good old Georgetown people always complain bout de parking. Some does park anyhow and when people talk dem does quarrel. Is like dem have a right to stop when dem want and park when dem want.
Well dem have a mayor in a Russian city who got a solution. He does use a war tank. De other day he drive over a car wid a war tank and people get de message.
Dem boys seh that Robeson can learn a thing or two from this man. Instead of de hammer he should borrow some war tank that de GDF got and not using fuh deal wid de problem.
Wid de hammer wood can fall pun people or de hammer head can break off and knock somebody. De war tank safe.
But some policemen gun vex. Dem boys seh that de other night dem been by Mojo’s and dem see de traffic police putting de clamp pun some vehicle. Once de wheel clamp de car can’t drive.
Then dem does sit back and wait. De owner must come out and he got to pay up. Now if Robeson use de war tank nobody ain’t got to pay and dem policemen runnings gun get cut up.
Even de roadblock gun have a problem because de war tank gun be there to mek sure that nobody don’t try nutten stupid.
Dem boys seh that dem wouldn’t be surprise if all of a sudden dem hear in de budget that de Works Ministry buying war tanks. City Hall gun buy some too.
Bet people gun behave differently and dem gun have less road deaths because nuff car gun get crush up.
And wha mek de war tank good is that if people decide fuh drive like dem head ain’t good and dem crash into de tank is dem gun suffer. Everybody who using de tank gun be happy. And de big man can use de tank fuh push aside some of dem Ministers he got.
Talk half. Lef half.

Similar Articles

The Glenn Lall Show | December, 2nd, 2024

Follow on Tik Tok @Glennlall

THE BLUNT OF THE DAY

Sports

Tonight: Sparta Boss goes up against Bent Street ‘A’ for K&S National Futsal title

Tonight: Sparta Boss goes up against Bent Street ‘A’ for K&S...

Jan 03, 2025

Lady Royals and Kanaimas to clash for Female championship Kaieteur Sports- The inaugural Kashif and Shanghai/One Guyana National Futsal Championship, which kicked off at the National Gymnasium with...
Read More
Botafgo pummel Milerock, 11-7, to become new UDFA Christmas Futsal Champions 

Botafgo pummel Milerock, 11-7, to become new UDFA...

Jan 03, 2025

BCB player transfer window opens for 2025 

BCB player transfer window opens for 2025 

Jan 03, 2025

Archery Guyana National 2-Day Indoor Senior Barebow Open, shoots off January 11 

Archery Guyana National 2-Day Indoor Senior...

Jan 03, 2025

Grandmaster Jose Luis Montes to lead Self-Defense Seminar

Grandmaster Jose Luis Montes to lead Self-Defense...

Jan 03, 2025

Keevin Allicock – the next torchbearer for Guyanese professional boxing

Keevin Allicock – the next torchbearer for...

Dec 31, 2024

Features/Columnists

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]