Latest update January 31st, 2025 7:15 AM

Guyana's largest selling daily and New York's most popular weekly

Latest News

Dem boys seh…Buckingham Palace refuse to invite Bharrat

Apr 29, 2011 Dem Boys Seh, Features / Columnists, News

A lot of people running to de bank fuh prove that dem live somewhere and it surprising how much people got bank account. Teachers, police, office workers and everybody got a bank account.
Is nearly two years de bank was asking people fuh come in but just like how people does wait till de last minute to do anything is de same thing.
Dem boys hear how de government gun tek away de money if people ain’t prove is dem own.
Well since nobody don’t want to give de government dem go in.
But dem boys seh that dem ain’t see Bharrat going in to de bank, Dem ain’t see Sam and dem ain’t see Robert. Dem ain’t see Brassy suh dem want fuh know if dem got different rules fuh dem.
A big man sell he house fuh plenty money and dem boys want fuh know is which bank he put he money. Dem got some of dem who does only use de bank fuh transfer money. Well dem gun argue that dem have address already. But de people at de bank done seh that everybody got to go in wid dem proof of address. De thing is that dem refuse to go in and dem boys want fuh know if dem getting special treatment like Donald.
Donald get appointed Political Adviser and dem boys seh that is a smart move by Bharrat to keep de man under he wing. De man got plans fuh keep all dem Presidential Candidates under he wing.
When dem boys ask Bharrat why he do it he wink and tell dem that next week he appointing David Granger as he Defence Adviser. Then he gun appoint Ramjattan as he Legal Adviser.
C.N. gun be his Tell EE adviser. This mean that he got to tell Bharrat everything. And dem boys mean everything. Dem boys seh that CN always telling some story.
He tell everybody why Bharrat ain’t get invite to de Royal Wedding. Nuff Caribbean Leaders get invite and dem going. C.N. seh that Buckingham Palace tell him that dem refuse fuh invite Bharrat, Gadhaffi, Chavez, Assad, Tony Blair, Gordon Brown, and Fidel Castro and some others in that same clique.
But just in case Bharrat don’t appoint C.N. it gun be a shad shad shishuashan.
Talk half. Lef half.

Similar Articles

The Glenn Lall Show | January, 27th, 2025

Follow on Tik Tok @Glennlall

THE BLUNT OF THE DAY

Sports

Savory (95*), Anderson (87*) century stand bails Harpy Eagles out of danger 

Savory (95*), Anderson (87*) century stand bails Harpy Eagles out of...

Jan 31, 2025

2025 CWI Regional 4-Day Championships Round 1…GHE vs. BP Day 2 at Providence  -Champs trail by 31 runs heading into Day 3  Kaieteur Sports- Cracking half-centuries from new Guyana Harpy Eagles...
Read More
Slingerz FC assembles powerhouse squad for GFF Elite League dominance

Slingerz FC assembles powerhouse squad for GFF...

Jan 31, 2025

Project “Cricket Gear for young and promising cricketers in Guyana”, benefits once again from Charandas Persaud 

Project “Cricket Gear for young and promising...

Jan 31, 2025

Everest CC extends best wishes to Looknauth on First Class debut

Everest CC extends best wishes to Looknauth on...

Jan 31, 2025

Sir Clyde Walcott: the captain who led British Guiana to glory

Sir Clyde Walcott: the captain who led British...

Jan 31, 2025

Berbice Cricket Board names squad for senior female Inter County 50over and T20 tournaments  

Berbice Cricket Board names squad for senior...

Jan 31, 2025

Features/Columnists

  • Show us the numbers!

    Peeping Tom… Kaieteur News- The government through its superior management of the economy says that it has bestowed... more

Publisher’s Note

Freedom of speech is our core value at Kaieteur News. If the letter/e-mail you sent was not published, and you believe that its contents were not libellous, let us know, please contact us by phone or email.

Feel free to send us your comments and/or criticisms.
Contact: 624-6456; 225-8452; 225-8458; 225-8463; 225-8465; 225-8473 or 225-8491.
Or by Email: [email protected] / [email protected]

Weekend Cartoon

Bridge Watch

Demerara Harbour Bridge

> Berbice Bridge […]