Latest update April 10th, 2026 12:30 AM
Latest News
- No 24-hour work ongoing at Wales gas plant despite PM claims
- Canadian firm to build 7-million-ounce gold project with G2 takeover
- Iran says it ‘would be dumb’ for U.S. to let Netanyahu kill diplomacy
- 15-yr-old girl missing after escaping from Childcare agency
- GGMC says no large-scale gold smuggling at Marudi Mining District
Dem boys seh…Guyana really coming back
Guyana coming back. That is wha Dave Martins sing and people start fuh clap. De radio station start fuh play this song steady and Bharrat decide that he gun mek it de national anthem till dem boys tell he that de song really telling people that Guyana going backwards.
Was a time when Guyana use to can fruits and mek nuff things. Was a time when Guyana use to mek glass and claybrick and cloth and even radio and fridge. Today Guyana got to buy all dem things.
De country coming back to de days when it never use to mek nutten.
Dem boys seh that people use to thief nuff because things was bad. Guyana coming back because is de same thing happening.
Dem boys seh that Clement recognize this and he seh that de country safe but he fail to realize that people ain’t giving back de guns and de drugs. Was a time when old people use to sit down in dem house and smoke ganja. That is how dem mek de song Ganja Manny.
Guyana coming back. People smoking ganja like mad just like how dem use to do it in de old days when de police use to ignore dem.
And dem boys seh that if people look at de population dem gun see that Guyana really coming back because de number of people coming back to de days when dem didn’t have plenty people.
Talk half. Lef half.
Share this:
Discover more from Kaieteur News
Subscribe to get the latest posts sent to your email.