Dem boys seh...Love knows no bounds

Dem boys seh…Love knows no bounds

Dec 22, 2010 Dem Boys Seh, Features / Columnists, News

It hard to separate some people. Dem boys seh that Benschop fall in love wid prison officers ever since de last time. Since he come out he doing everything to keep a date wid dem.
When he fail he try other people. He try Witter and Lincoln Lewis, Dem spend two nights together but somehow things didn’t wuk out. Perhaps dem had no privacy or perhaps somebody reject de other.
Fuh a while, dem boys seh that Mark cast he net far and wide. He try de cemetery, he try de road, he try everything and then he try de dump site.
Dem boys seh that somebody get attracted and approach he fuh companionship. Was Uncle Freddie. Now de two of dem happy in a cell in Brickdam.
De newspaper showing how de two of dem chat wid each other, walk side by side wid each other but dem boys couldn’t find a photo of dem dwelling together in special accommodation provided by Clement Rohee.
One thing fuh sure, dem boys know that dem have adequate security. Not a soul can break in to disturb dem and dem boys wish that dem can live happily for evermore.
But Bharrat nervous. When Uncle Freddie come back pun de road, it gun be fire and brimstone.
Talk half. Lef half.