Dem boys seh...Expensive fare picking in Berbice

Dem boys seh…Expensive fare picking in Berbice

Nov 10, 2010 Dem Boys Seh, Features / Columnists, News

Times hard when people got to have sex wid a dead woman. It more hard when people got to have sex wid a dead child. Dem boys ketch a man doing this thing a lil while ago and dem beat he before dem carry he to de police station.
When he get charge and de magistrate fine he $40,000 he holler how is de most expensive fare he ever pick.
Now two more do de same thing. All of dem come from Berbice suh dem mekkin it look like is only Berbicians doing this thing.
Now dem boys want to know what kind of people can do this because de body would have a funny smell. It gun also feel funny and of course de whole thing got to be funny, but then again, according to dem boys, is funny people doing funny thing to a dead person.
De other funny thing is that dem have de Hard Times paper printing in New York. This paper only start de other day and it tun international already. Is de only free paper in New York that nobody reading.
Dem have de Waterfalls paper that done ten years in New York.
It shut down all of dem that been deh before. Some of dem reduce to nutten and now this other paper trying to compete.
Is wha wrang wid dem. That is wha dem boys want to know.
Talk half. Lef half.