Dem boys seh....De Ram clash wid Prezzy and lose

Dem boys seh….De Ram clash wid Prezzy and lose

Sep 17, 2010 Dem Boys Seh, Features / Columnists, News

Man thief two bread, guard get dread and shoot he dead. That was de headline in de papers. De story happen in BV and people couldn’t understand how a man gun thief bread just hours after he come out of lock ups. Dem boys seh that thiefing had to be in de man blood.

Then Chris de Village Ram get Prezzy vex. He go to a meeting and try fuh talk. Prezzy stop he in he tracks because de Ram had intention—wicked intentions. When he try fuh force he way Prezzy holler pun he and announce that he can’t tek sour people. Before that he use to describe de Ram as old and lose he stripe. He claim that de ram was one of a gang of old men. And indeed de Ram does wear pure braces fuh keep up he pants and other things.

De Ram back down yesterday but he cuss. He claim how he got to deal wid Prezzy another way. Dem boys seh that he must seek justice from Kwame and Neeaz. Is only de two of dem, especially Kwame, who can help he keep he pants and everything else up without braces.

Dem boys want to know if de Ram gun get he money that he got in Clico especially since de Prezzy got a say. He gun end up like Uncle Adam. On de instructions of Prezzy dem wouldn’t find he name.

Talk half. Lef half