Dem boys seh...De government can waste money

Dem boys seh…De government can waste money

Jul 26, 2010 Dem Boys Seh, Features / Columnists, News

De world really got some funny people. Sometimes these same people does go and look fuh wuk when all dem had to do was sit down and de wuk woulda finish and it woulda cost nobody anything.

These are de people who does got de government spending money that coulda go to poor people.

A man get vex and kill he wife. He claim how she always got man wid he. He don’t claim how he hardly use to give she money and happiness (a penis); he don’t tell nobody that he always gone out and leaving she at home but he announce that three time he ketch she wid other man and how one time she actually ignore he.

Anyhow he kill de woman and to avoid giving de state any wuk, he decide to hang heself. Somebody run in de house and see he hanging and cut he down. Then dem arrest he and place he in hospital.

Dem boys seh that when he come out of de hospital dem gun put he in jail fuh de rest of de state feed and provide shelter.

Then dem gun try he at a cost to de taxpayers. And if dem find he guilty dem would hang he. In short, dem gun do what de man wanted in de first place and this time de state got to pay.

Dem gun also try de man fuh trying to hang heself. Dem boys seh that is a real topsy turvy world and dem now understand how de country does waste money.

Talk half. Lef half.